ODIમાં વેસ્ટ ઈન્ડિઝ સામે સૌથી વધુ સદી ફટકારનારા ભારતીય બેટ્સમેન
વેસ્ટ ઈન્ડીઝ સામે સૌથી વધુ વનડે સદીનો રેકોર્ડ વિરાટ કોહલીના નામે છે. વિરાટ કોહલીએ વેસ્ટ ઈન્ડીઝ સામે 43 મેચ રમી છે, જેમાં તેને 9 સદી ફટકારી છે. આ બાબતમાં તે અન્ય ભારતીય બેટ્સમેનથી ઘણો આગળ છે.
આ લિસ્ટમાં સચિન તેંડુલકર બીજા નંબરે આવે છે. સચિને પોતાના કરિયરમાં વેસ્ટ ઈન્ડીઝ સામે 39 મેચ રમી હતી, જેમાં તેને 4 સદી ફટકારી હતી. તે 11 અડધી સદી પણ ફટકારવામાં સફળ રહ્યો હતો.
યુવરાજ સિંહ ત્રીજા નંબરે છે. તેને પોતાના કરિયરમાં વેસ્ટ ઈન્ડિઝ સામે 31 મેચ રમી છે, જેમાં 3 સદી અને 5 અડધી સદી ફટકારી છે.
રોહિત શર્મા ચોથા નંબરે આવે છે. રોહિતે વેસ્ટ ઈન્ડિઝ સામે 37 મેચ રમી છે, જેમાં તેને અત્યાર સુધીમાં 3 સદી ફટકારી છે. જો તે આ સિરીઝ દરમિયાન બીજી સદી ફટકારે છે, તો તે યુવરાજ સિંહને પાછળ છોડી દેશે.
રાહુલ દ્રવિડ પણ આ લિસ્ટમાં સ્થાન ધરાવે છે. પોતાના ODI કરિયરમાં રાહુલ દ્રવિડે વેસ્ટ ઈન્ડિઝ સામે 40 મેચ રમી, જેમાં 3 સદી અને 8 અડધી સદી ફટકારી.
