Bhavnagar : એક વર્ષમાં 'શ્રીવાસ્ત્રાલય'ને મળી 1,097 સાડી, જરૂરિયાતમંદ દીકરીઓ માટે બની સહારો
ભાવનગરમાં મહિલા સશક્તિકરણ અને સેવાભાવના ઉદ્દેશ સાથે શરૂ કરવામાં આવેલી 'શ્રીવાસ્ત્રાલય' સાડી બેન્કને એક વર્ષમાં 1,097 જેટલી સાડીઓ અને ચણિયાચોળીનું દાન મળ્યું છે.
17 સપ્ટેમ્બર 2025ના રોજ વડાપ્રધાન નરેન્દ્ર મોદીના જન્મદિવસ નિમિત્તે સેવાભાવ અને મહિલા સશક્તિકરણની ભાવનાથી 'શ્રીવાસ્ત્રાલય'ની શરૂઆત કરવામાં આવી હતી. આ પહેલ પાછળનો મુખ્ય હેતુ સંપન્ન પરિવારોમાં વણવપરાયેલી અને સારી સ્થિતિમાં રહેલી સાડીઓ જરૂરિયાતમંદ મહિલાઓ અને દીકરીઓ સુધી પહોંચાડવાનો છે.
લગ્ન કે અન્ય શુભ પ્રસંગોએ જરૂરિયાતમંદ દીકરીઓને સારા વસ્ત્રો વિનામૂલ્યે મળી રહે અને સંપન્ન પરિવારોની ઉપયોગમાં ન આવતી સાડીઓ કોઈના કામમાં આવે તેવા ઉમદા હેતુથી સાડી બેન્ક શરૂ કરવામાં આવી હતી.
'શ્રીવાસ્ત્રાલય'ને અત્યાર સુધીમાં 1,097 જેટલી સાડીઓ અને ચણિયાચોળી મળી ચૂક્યા છે. જેમાંથી 450થી વધુ સાડી અને ચણિયાચોળી જરૂરિયાતમંદ દીકરીઓ સુધી પહોંચાડવામાં આવ્યા છે.
આ ઉપરાંત સમૂહ લગ્ન પ્રસંગે 250 જેટલી દીકરીઓને સાડીઓ આપવામાં આવી હતી. આ પહેલના કારણે જરૂરિયાતમંદ દીકરીઓ માટે લગ્ન અને શુભ પ્રસંગોમાં શણગાર માટે કપડાં ઉપલબ્ધ થઈ રહ્યા છે. સાથે જ સમાજમાં પુનઃઉપયોગ અને દાનની ભાવનાને પણ પ્રોત્સાહન મળી રહ્યું છે.
