Ahmedabad: રખિયાલના પ્રાચીન મેલડી માતાજીના મંદિરે 1,100 દિવડાની મહાઆરતી યોજાઈ
અમદાવાદના રખિયાલ વિસ્તારમાં આવેલ પૂર્વ ઝોનની કચેરી સામે આવેલા જૂના અને સુપ્રસિદ્ધ મેલડી માતાજીના મંદિરે આજે આસો નવરાત્રિની આઠમ નિમિત્તે ભવ્ય મહાઆરતીનું આયોજન કરવામાં આવ્યું છે.
આ પ્રસંગે જૂનાગઢથી વિશેષ પધારેલા મહંત શ્રી 108 પ્રભુનંદગીરી પંચ દશનામ જુના અખાડા જુનાગઢના મહંત સહિત અન્ય સંતો, સ્વયંસેવકો અને મહાનુભાવો ઉપસ્થિત રહ્યા.
માતાજીના ચોકમાં યોજાનારી મહાઆરતીમાં મોટી સંખ્યામાં શ્રદ્ધાળુઓ જોડાઈ માતાજીની ભક્તિમાં લીન બન્યા હતા.
નવરાત્રિની આઠમ નિમિત્તે સમગ્ર રખિયાલ વિસ્તાર સહિત મેલડી માતાજીના મંદિરને રંગબેરંગી રોશની અને ફૂલોના હારથી શણગારી આકર્ષક સજાવટ કરવામાં આવી છે.
આજે માતાજીની વિશેષ પૂજા-અર્ચના સાથે વિવિધ ધાર્મિક વિધિઓ યોજાશે અને ત્યારબાદ ભવ્ય મહાઆરતી કરવામાં આવી વર્ષોથી શ્રદ્ધાળુઓની આસ્થાનું કેન્દ્ર રહેલા આ પ્રાચીન મંદિર ખાતે મોટી સંખ્યામાં ભાવિક ભક્તોએ માતાજીના દર્શન કરી ધન્યતા અનુભવી હતી.
