Ind Vs WI: સિરીઝ 2-2 થી રહી ડ્રો, પાંચમી T20 રદ્દ થયા પછી ઐયર અને હોપે શું કહ્યું?

Ind Vs WI: પાંચમી T20I રદ્દ થયા પછી શ્રેયસ ઐયરે કહ્યું કે "જો આપણે બીજી અને ચોથી મેચમાં સારી બોલિંગ કરી હોત, તો સિરીઝનો સ્કોર અલગ હોત." શ્રેયસ ઐયરે સ્વીકાર્યું કે સારી બેટિંગ છતાં, ટીમ ઈન્ડિયા તેની યોજનાઓને અસરકારક રીતે અમલમાં મૂકવામાં નિષ્ફળ ગઈ.

શ્રેયસ ઐયરે શાઈ હોપની પ્રશંસા કરી, જેને પ્લેયર ઓફ ધ સિરીઝ તરીકે પસંદ કરવામાં આવ્યો હતો. તેના પ્રદર્શન વિશે શાઈ હોપે કહ્યું કે "જ્યારે હું મેદાન પર ઉતરું છું, ત્યારે મને વિશ્વાસ છે કે હું કામ પૂર્ણ કરી શકું છું."

કેપ્ટન શ્રેયસ ઐયર માને છે કે જો ભારતીય બોલર્સે બીજી અને ચોથી મેચમાં સારું પ્રદર્શન કર્યું હોત તો ભારત સિરીઝ જીતી ગયું હોત. તેને કહ્યું કે "અમારી બેટિંગ ઉત્તમ હતી, પરંતુ અમે અમારી યોજનાઓને અસરકારક રીતે અમલમાં મૂકવામાં નિષ્ફળ ગયા. વેસ્ટ ઈન્ડિઝની ટીમ પણ શ્રેયને પાત્ર છે; તેમને ખૂબ સારી બેટિંગ કરી. શાઈ હોપ પ્રશંસાને પાત્ર છે, તે શાનદાર ઈનિંગ રમ્યો હતો."

શ્રેયસ ઐયરે વૈભવ સૂર્યવંશી વિશે શું કહ્યું?

શ્રેયસ ઐયરે સ્વીકાર્યું કે ભારતીય ટીમ સાતત્ય જાળવવામાં નિષ્ફળ રહી, જે શીખવા માટે એક સારો પાઠ છે. આજે પણ, અમે જે રીતે બેટિંગ કરી તે અદ્ભુત હતું. વૈભવ સૂર્યવંશીને પ્લેઈંગ ઈલેવનમાંથી બાકાત રાખવા અંગે તેને કહ્યું કે "ન્યુઝીલેન્ડમાં આ એક પડકારજનક સિરીઝ હશે. તેથી હું તેને ફક્ત એટલું જ કહું છું કે તને ચોક્કસપણે તકો મળશે." શ્રેયસ ઐયરે કહ્યું કે તેને વૈભવને પ્રક્રિયાને વળગી રહેવા, પોતાની માનસિકતા હળવી રાખવા અને વધુ તકો ન મળવા વિશે વધુ ન વિચારવા કહ્યું છે.

શ્રેયસ ઐયરે અભિષેક શર્મા અને સંજુ સેમસનની પ્રશંસા કરતા કહ્યું કે "અમારી પાસે બે શાનદાર ઓપનર છે જેમને સતત પ્રદર્શન કર્યું છે." સતત મુસાફરી અને વ્યસ્ત સમયપત્રક અંગે તેને કહ્યું કે "અમે મુસાફરીથી ટેવાઈ ગયા છીએ. સ્વસ્થ થવું અને આપણી દિનચર્યા જાળવી રાખવી સરળ નથી, પરંતુ અમે તે સારી રીતે કરી રહ્યા છીએ. અમે પરિસ્થિતિઓમાં ઝડપથી અનુકૂલન સાધીએ છીએ. જ્યાં સુધી આપણે આ સુસંગતતા જાળવી રાખીએ છીએ, ત્યાં સુધી તે ટીમ માટે સારું છે."

શાઈ હોપે શું કહ્યું?

શાઈ હોપે કહ્યું કે "અમે જીતની ખૂબ નજીક હતા. અમે 20 વર્ષથી ભારતમાં કોઈ સિરીઝ જીતી નથી." સિરીઝ ડ્રો કરવા બદલ ખેલાડીઓની પ્રશંસા કરતા તેને કહ્યું, "સફળતાનો અર્થ હંમેશા સિરીઝ જીતવાનો નથી હોતો. ખેલાડીઓએ જે રીતે સફળતા મેળવી તે પ્રશંસનીય છે. શમર સ્પ્રિંગરે ડેથ ઓવરોમાં મુખ્ય ભૂમિકા ભજવી અને વિકેટો લીધી. કીમો પોલ અને રોસ્ટન ચેઝે પણ સારું પ્રદર્શન કર્યું."

પોતાના પ્રદર્શન વિશે વાત કરતા શાઈ હોપે કહ્યું કે "મને હજુ પણ મારી જાત પર સંપૂર્ણ વિશ્વાસ છે. જ્યારે હું મેદાન પર ઉતરું છું, ત્યારે મને વિશ્વાસ છે કે હું કામ પૂર્ણ કરી શકું છું. મારો અભિગમ ક્યારેય બદલાતો નથી." હોપને પ્લેયર ઓફ ધ સિરીઝ જાહેર કરવામાં આવ્યો, જેને 2 સદી સાથે સિરીઝનું નેતૃત્વ કર્યું.

આ પણ વાંચો: Yashasvi Jaiswalને ODI ટીમમાંથી બહાર રાખવા પર રવિચંદ્રન અશ્વિન થયો ગુસ્સે