Asian Para Games: નિષાદ કુમારે લોન્ગ જમ્પ પછી હાઈ જમ્પમાં ગોલ્ડ જીતીને રચ્યો ઈતિહાસ

Asian Para Games: ભારતના નિષાદ કુમારે મંગળવારે 2026 એશિયન પેરા ગેમ્સમાં ઈતિહાસ રચ્યો. નિષાદે હાઈ જમ્પમાં ગોલ્ડ મેડલ જીત્યો. આ પહેલા તેને 2026 એશિયન પેરા ગેમ્સમાં લોન્ગ જમ્પમાં પણ ગોલ્ડ મેડલ જીત્યો હતો. આનાથી તે એક જ એશિયન પેરા ગેમ્સમાં બે ગોલ્ડ મેડલ જીતનાર ત્રીજો ભારતીય ખેલાડી બન્યો.

મંગળવારે પુરુષોની હાઈ જમ્પ T47 ઈવેન્ટમાં નિષાદ કુમારે નવો રેકોર્ડ બનાવ્યો અને એક જ એશિયન પેરા ગેમ્સમાં બે ગોલ્ડ મેડલ જીતનાર ત્રીજો ભારતીય બન્યો. તેને સોમવારે લોંગ જમ્પ T47 ગોલ્ડ મેડલ જીત્યો હતો.

નિષાદે નવો ગેમ્સ રેકોર્ડ બનાવીને હાઈ જમ્પમાં ગોલ્ડ મેડલ જીત્યો

નિષાદે 2.04 મીટરથી વધુનો નવો ગેમ્સ રેકોર્ડ બનાવીને હાઈ જમ્પમાં ગોલ્ડ મેડલ જીત્યો. અંકુર ધામા (મેન્સની 5000 મીટર T11 અને 1500 મીટર T11) અને હાથ વગરની તીરંદાજ શીતલ દેવી (વિમેન્સની વ્યક્તિગત કમ્પાઉન્ડ ઓપન અને મિક્સ ટીમ કમ્પાઉન્ડ ઓપન) એ ચીનના હાંગઝોઉમાં છેલ્લી એશિયન પેરા ગેમ્સમાં 2-2 ગોલ્ડ મેડલ જીત્યા હતા. T47 સિરીઝ ઉપલા અંગોની વિકલાંગતા ધરાવતા ખેલાડીઓ માટે છે.

નિષાદનો જમણો હાથ ફક્ત 6 વર્ષનો હતો ત્યારે કાપી નાખવામાં આવ્યો

ગોલ્ડ મેડલ જીત્યા પછી નિષાદ કુમારે પણ 2.06 મીટર કૂદવાનો પ્રયાસ કર્યો, પરંતુ તે નિષ્ફળ રહ્યો. પરંતુ 2.04 મીટરના રેકોર્ડબ્રેક કૂદકાથી તેને ટોપનું સ્થાન મેળવ્યું. ઉઝબેકિસ્તાનના મુહમ્મદ અબ્દુલ્લોહ તુર્સુનજોનોવે 1.94 મીટરના કૂદકા સાથે સિલ્વર મેડલ જીત્યો, જ્યારે થાઈલેન્ડના અંગકાર્ન ચાનાબુને 1.75 મીટર કૂદકા માર્યા પછી બ્રોન્ઝ મેડલ જીત્યો.

નિષાદનો જમણો હાથ ફક્ત 6 વર્ષનો હતો ત્યારે કાપી નાખવામાં આવ્યો હતો. આ દુર્ઘટનાએ તેના પરિવારને બરબાદ કરી દીધો, પરંતુ નિષાદે તેની શારીરિક અપંગતાને સફળતાના માર્ગમાં અવરોધ ન બનવા દીધી.

આ પણ વાંચો: Team India ન્યુઝીલેન્ડ પહોંચી, T20I સિરીઝ પહેલા ફેન્સમાં ઉત્સાહ