Winter Skin Care: શિયાળામાં સ્કિનની સમસ્યાથી હેરાન છો, તો અપનાવો આ ઘરેલુ ઉપાય

Winter Skin Care: શિયાળાની ઋતુમાં તાપમાન ઘટવાની સાથે હવામાં ભેજનું પ્રમાણ પણ ઓછું થઈ જાય છે. આવી સ્થિતિમાં ત્વચાની કુદરતી ભેજ ઘટવા લાગે છે અને ડ્રાય સ્કિનની સમસ્યા વધી જાય છે. ખાસ કરીને હાથ, પગ અને ચહેરાની ત્વચા સૂકી થઈને ફાટવા લાગે છે. કેટલીક વખત ત્વચામાં ખંજવાળ અને બળતરા પણ થાય છે. જો સમયસર ધ્યાન આપવામાં ન આવે તો ત્વચામાં તિરાડો પડવાથી ઈન્ફેક્શનનું જોખમ પણ વધી શકે છે.

આવી સ્થિતિમાં મોંઘી ક્રીમ પાછળ ખર્ચ કરવાને બદલે કેટલીક કુદરતી વસ્તુઓનો ઉપયોગ કરી શકાય છે. આ ઘરેલુ ઉપાય ત્વચાની ભેજ જાળવવામાં મદદરૂપ થઈ શકે છે.

સૂર્યમુખીનું તેલ

સૂર્યમુખીના બીજમાંથી મળતું તેલ ત્વચાની ભેજ જાળવવામાં મદદ કરે છે. તેને સ્નાન કર્યા પછી મોઈશ્ચરાઇઝર તરીકે લગાવી શકાય છે. તે ત્વચાને નરમ રાખવામાં અને શુષ્કતા ઘટાડવામાં મદદરૂપ થઈ શકે છે.

નાળિયેરનું તેલ

ડ્રાય સ્કિન માટે નાળિયેરનું તેલ એક જાણીતો ઘરેલુ ઉપાય છે. તેમાં રહેલા ફેટી એસિડ્સ ત્વચાને ભેજ આપવામાં મદદ કરે છે. નિયમિત રીતે ત્વચા પર નાળિયેરનું તેલ લગાવવાથી શુષ્કતા ઘટી શકે છે અને ત્વચા મુલાયમ બની શકે છે.

મધ

મધમાં ભેજ જાળવવાના ગુણો ઉપરાંત સોજો ઘટાડવામાં મદદરૂપ એવા ગુણો પણ હોય છે. તેને ત્વચા પર થોડા સમય માટે લગાવી શકાય છે. ત્યારબાદ હળવા પાણીથી સાફ કરી લેવું. જોકે, મધથી એલર્જી હોય તો તેનો ઉપયોગ ટાળવો.

એલોવેરા જેલ

એલોવેરા જેલ ત્વચાને ઠંડક અને ભેજ આપવામાં મદદ કરે છે. તેને હાથ અને પગની સૂકી ત્વચા પર લગાવી શકાય છે. રાત્રે સૂતા પહેલાં તેનો ઉપયોગ કરવાથી શુષ્કતા અને ખંજવાળમાં રાહત મળી શકે છે. સંવેદનશીલ ત્વચા ધરાવતા લોકોએ પહેલાં પેચ ટેસ્ટ કરવો જોઈએ.

ઓટમીલ બાથ

જો આખા શરીરની ત્વચા સૂકી રહેતી હોય તો ઓટમીલ બાથ ઉપયોગી થઈ શકે છે. તેના માટે ઓટ્સનો બારીક પાવડર બનાવી નવશેકા પાણીમાં મિક્સ કરો. આ પાણીથી સ્નાન કરવાથી ત્વચાની ખંજવાળ અને બળતરામાં રાહત મળી શકે છે.

શિયાળામાં ખૂબ ગરમ પાણીથી સ્નાન કરવાનું ટાળો. સ્નાન કર્યા પછી તરત જ મોઇશ્ચરાઈઝર લગાવો અને પૂરતું પાણી પીતા રહો. જો ત્વચામાં વધુ પડતી તિરાડો, સોજો કે ઈન્ફેક્શનનાં લક્ષણો દેખાય તો નિષ્ણાતની સલાહ લેવી જરૂરી છે. કોઈપણ ઘરેલુ ઉપાય અજમાવતા પહેલાં નિષ્ણાતની સલાહ લેવી યોગ્ય છે. ગ્રોથ નાઉ ન્યૂઝ તેની પુષ્ટિ કરતું નથી.

આ પણ વાંચો: Woollen Clothes Smell: ઊનના કપડાંમાંથી આવે છે દુર્ગંધ? ધોતી વખતે અપનાવો આ સરળ ઉપાયો