Petrol Diesel Price Today: પેટ્રોલ-ડીઝલના ભાવ આજે પણ સ્થિર, પરંતુ કાચા તેલની તેજીથી વધ્યો ભાવ વધારાનો ખતરો

Petrol Diesel Price Today: દેશભરમાં પેટ્રોલ અને ડીઝલના નવા ભાવ જાહેર થઈ ગયા છે. મંગળવાર, 8 સપ્ટેમ્બર 2026ના રોજ ઓઇલ માર્કેટિંગ કંપનીઓએ પેટ્રોલ-ડીઝલના ભાવમાં કોઈ ફેરફાર કર્યો નથી. જોકે, આંતરરાષ્ટ્રીય બજારમાં કાચા તેલના ભાવમાં સતત તેજી જોવા મળી રહી છે અને ક્રૂડ ઓઇલનો ભાવ 92 ડોલર પ્રતિ બેરલથી ઉપર પહોંચી ગયો છે. આવી સ્થિતિમાં આગામી દિવસોમાં પેટ્રોલ-ડીઝલ મોંઘું થવાની શક્યતાને લઈને ચર્ચા તેજ બની છે.

દેશના મોટા શહેરોમાં પેટ્રોલના ભાવ

હાલ મુંબઈમાં પેટ્રોલ ₹111.21 પ્રતિ લિટર, બેંગલુરુમાં ₹110.82, હૈદરાબાદમાં ₹116.15, પટનામાં ₹113.35 અને તિરુવનંતપુરમમાં ₹115.49 પ્રતિ લિટર છે. દિલ્હીમાં પેટ્રોલ ₹102.12, ગુરુગ્રામમાં ₹102.97, ભુવનેશ્વરમાં ₹108.97 અને ચંદીગઢમાં ₹101.54 પ્રતિ લિટર મળી રહ્યું છે.

ડીઝલના ભાવ ક્યાં કેટલા?

દિલ્હી: ₹95.20 પ્રતિ લિટર

મુંબઈ: ₹97.83 પ્રતિ લિટર

ગુરુગ્રામ: ₹95.64 પ્રતિ લિટર

બેંગલુરુ: ₹98.77 પ્રતિ લિટર

ભુવનેશ્વર: ₹100.68 પ્રતિ લિટર

ચંદીગઢ: ₹89.47 પ્રતિ લિટર

હૈદરાબાદ: ₹104.23 પ્રતિ લિટર

પટના: ₹99.36 પ્રતિ લિટર

તિરુવનંતપુરમ: ₹104.40 પ્રતિ લિટર

ક્રૂડ ઓઇલની તેજીથી ચિંતા

આંતરરાષ્ટ્રીય બજારમાં કાચા તેલના ભાવમાં ઉછાળો ઓઇલ માર્કેટિંગ કંપનીઓ માટે ચિંતાનો વિષય બન્યો છે. તાજેતરના અહેવાલો મુજબ બ્રેન્ટ ક્રૂડનો ભાવ લગભગ $97 પ્રતિ બેરલ સુધી પહોંચ્યો છે. મધ્ય-પૂર્વમાં વધતા તણાવ અને સપ્લાયને લઈને ચિંતાના કારણે ક્રૂડના ભાવ પર દબાણ વધ્યું છે.

હાલ પેટ્રોલ અને ડીઝલના ભાવ વધારવા અંગે કોઈ સત્તાવાર જાહેરાત કે સંકેત સામે આવ્યો નથી. જોકે, જો આંતરરાષ્ટ્રીય બજારમાં ક્રૂડ ઓઇલના ભાવ ઊંચા જ રહેશે તો ભવિષ્યમાં તેની અસર સ્થાનિક ઈંધણના ભાવ પર જોવા મળી શકે છે. નોંધનીય છે કે 2022 બાદ મે મહિનામાં પેટ્રોલ-ડીઝલના ભાવમાં ચાર વખત વધારો થયો હતો અને સરેરાશ ₹7.50 પ્રતિ લિટરનો વધારો થયો હતો. ત્યારથી કિંમતો મોટા ભાગે સ્થિર રહી છે.

નોંધ: પેટ્રોલ-ડીઝલના ભાવમાં સ્થાનિક કર, પરિવહન ખર્ચ અને આંતરરાષ્ટ્રીય ક્રૂડના ભાવ સહિત અનેક પરિબળોની અસર થાય છે. ઓઇલ કંપનીઓ દરરોજ સવારે 6 વાગ્યે નવા ભાવ જાહેર કરે છે.

આ પણ વાંચો : Surat: સ્વચ્છ હવાની દોડમાં સુરતને મોટો ફટકો, દેશભરમાં 5મા ક્રમે ધકેલાયું