Surat: પાંડેસરામાં રો-હાઉસમાં ઈકો કારમાં અચાનક આગ, પોલીસની સમયસૂચકતાથી મોટી દુર્ઘટના ટળી

Surat: શહેરના પાંડેસરા વિસ્તારમાં આવેલા આકાશ રો-હાઉસમાં ઈકો કારમાં અચાનક આગ લાગતા અફરાતફરીનો માહોલ સર્જાયો હતો. કારમાં આગ લાગ્યાની જાણ થતાં પાંડેસરા પોલીસની ટીમ તાત્કાલિક ઘટનાસ્થળે પહોંચી ગઈ હતી.

ફાયર ટીમ પહોંચે તે પહેલાં પોલીસ પહોંચી

આગની જાણ થતાં જ પાંડેસરા પોલીસ ઘટનાસ્થળે પહોંચી હતી. આગ વધુ વિકરાળ બને અને આસપાસના મકાનો કે અન્ય વાહનો સુધી ફેલાય નહીં તે માટે પોલીસે તાત્કાલિક કામગીરી શરૂ કરી હતી.

પોલીસે પાણીનો મારો કરી આગ કાબૂમાં લીધી

ફાયર વિભાગની ટીમ ઘટનાસ્થળે પહોંચે તે પહેલાં પોલીસે પાણીનો મારો કરી આગને કાબૂમાં લેવાનો પ્રયાસ કર્યો હતો. પોલીસની ટીમે સતર્કતા સાથે કામગીરી કરી આગને વધુ ફેલાતી અટકાવવાના પ્રયાસો હાથ ધર્યા હતા.

ત્યારબાદ ફાયર વિભાગની ટીમ પણ પહોંચી

દરમિયાન ફાયર વિભાગની ટીમ પણ ઘટનાસ્થળે પહોંચી હતી અને આગ બુઝાવવાની કામગીરીમાં જોડાઈ હતી. પોલીસ અને ફાયર વિભાગની સંયુક્ત કામગીરીના કારણે આગને નિયંત્રણમાં લેવામાં આવી હતી.

મોટી દુર્ઘટના ટળી

પાંડેસરા પોલીસની સમયસૂચક કામગીરીના કારણે આગ વધુ ફેલાતી અટકી અને મોટી દુર્ઘટના ટળી હતી. કારમાં આગ કયા કારણોસર લાગી તે અંગેની વધુ તપાસ હાથ ધરવામાં આવી રહી છે.

આ પણ વાંચો : surat: હોટ ફિક્સ પ્લાસ્ટિક વેસ્ટ પાલિકા માટે માથાનો દુખાવો, ધારાસભ્ય કુમાર કાનાણીએ કમિશનરને પત્ર લખ્યો