Mann Ki Baat: સુરત મહાનગર ભાજપ કાર્યાલય ખાતે વડાપ્રધાન નરેન્દ્ર મોદીના ‘મન કી બાત’ કાર્યક્રમનું આયોજન કરવામાં આવ્યું હતું. આ કાર્યક્રમમાં કેન્દ્રીય મંત્રી સી.આર. પાટીલએ CA અને CSના યુવાનો સાથે બેસીને ‘મન કી બાત’નો 137મો એપિસોડ સાંભળ્યો હતો.

PM મોદીના કાર્યની પાટીલે કરી પ્રશંસા

કાર્યક્રમ બાદ સી.આર. પાટીલે વડાપ્રધાન નરેન્દ્ર મોદીના કાર્યની પ્રશંસા કરતા જણાવ્યું કે, તેમના નેતૃત્વમાં દેશને વધુ સમૃદ્ધ, સ્વચ્છ અને સુરક્ષિત બનાવવાના પ્રયાસો થયા છે.

તમામ વર્ગો માટે કામગીરીનો દાવો

પાટીલે જણાવ્યું કે સરકાર દ્વારા યુવાનો, મહિલાઓ, સિનિયર સિટિઝન સહિત સમાજના વિવિધ વર્ગો માટે અનેક ક્ષેત્રોમાં કામ કરવામાં આવ્યું છે. ‘મન કી બાત’ કાર્યક્રમના માધ્યમથી દેશના અલગ-અલગ ખૂણામાં થઈ રહેલા સારા અને પ્રેરણાદાયી કાર્યોની માહિતી લોકો સુધી પહોંચે છે.

સારા કાર્યોથી પ્રેરણા લેવાની અપીલ

સી.આર. પાટીલે કહ્યું કે ‘મન કી બાત’માં રજૂ થતા સારા કાર્યોમાંથી લોકો પ્રેરણા લઈ શકે છે અને પોતાના વિસ્તારમાં પણ આવા નવા કાર્યો શરૂ કરી શકે છે.

CA-CS યુવાનોને ખાસ અપીલ

CA અને CS બન્યા બાદ યુવાનો માત્ર આર્થિક ઉપાર્જન પૂરતું મર્યાદિત ન રહે, પરંતુ દેશ અને સમાજ માટે પણ વિચારે તેવી પાટીલે અપીલ કરી હતી. સમાજને જાગૃત કરવાની જવાબદારી પણ યુવાનો નિભાવે તે જરૂરી હોવાનું તેમણે જણાવ્યું.

‘દરેક કામ સરકાર જ કરે તેવી અપેક્ષા કેમ?’

પાટીલે ‘મન કી બાત’માં વડાપ્રધાન મોદીના સંદેશનો ઉલ્લેખ કરતા કહ્યું કે દરેક કામ સરકાર જ કરે તેવી અપેક્ષા રાખવાને બદલે **સમાજના લોકો અને યુવાનોએ પણ પોતાની જવાબદારી નિભાવવી જોઈએ.

સમાજમાં જાગૃતિ લાવવામાં યુવાનોની ભૂમિકા

સી.આર. પાટીલે જણાવ્યું કે સમાજમાં સકારાત્મક પરિવર્તન અને જાગૃતિ લાવવામાં યુવાનોની મહત્વપૂર્ણ ભૂમિકા હોવી જોઈએ. શિક્ષિત અને વ્યવસાયિક ક્ષેત્રે આગળ વધેલા યુવાનો પોતાની ક્ષમતાનો ઉપયોગ દેશહિત અને સમાજહિત માટે કરે તે જરૂરી છે.

આ પણ વાંચો : Shedhi River: શેઢી નદી પરનો જર્જરિત બ્રિજ ટૂંક સમયમાં તોડી પાડવામાં આવશે