Murder Case: સુરત જિલ્લાના માંડવી તાલુકાના ગોદાવાડી ગામે બનેલા ચકચારી લૂંટ વિથ મર્ડર કેસમાં સુરત જિલ્લા પોલીસે તપાસનો ધમધમાટ તેજ કર્યો છે. નિધિ પટેલની હત્યાના આરોપીઓ સુધી પહોંચવા માટે જિલ્લા પોલીસ વડા દ્વારા ખાસ SIT (સ્પેશિયલ ઇન્વેસ્ટિગેશન ટીમ)ની રચના કરવામાં આવી છે.

SITની રચના

નિધિ પટેલના હત્યારાઓને શોધી કાઢવા સુરત જિલ્લા SP રાજેશ ગઢિયા દ્વારા SIT બનાવવામાં આવી છે. આ ટીમમાં એક ASP, ચાર PI અને એક PSIનો સમાવેશ કરવામાં આવ્યો છે. સમગ્ર તપાસને વધુ અસરકારક અને ઝડપી બનાવવા માટે અનુભવી પોલીસ અધિકારીઓને જવાબદારી સોંપવામાં આવી છે.

20 જેટલી પોલીસ ટીમો તપાસમાં જોડાઈ

ચકચારી બનાવની તપાસ માટે સુરત જિલ્લા પોલીસે એક નહીં પરંતુ 20 જેટલી અલગ-અલગ પોલીસ ટીમોને કામે લગાડી છે. પોલીસ દ્વારા અલગ-અલગ દિશામાં તપાસ હાથ ધરવામાં આવી રહી છે અને આરોપીઓ સુધી પહોંચવા માટે મહત્વની કડીઓ એકત્ર કરવામાં આવી રહી છે.

LCBને સોંપાઈ સમગ્ર તપાસ

સમગ્ર કેસની તપાસની મહત્વપૂર્ણ જવાબદારી સુરત જિલ્લા LCBના PI એન. જી. પાંચાણીને સોંપવામાં આવી છે. LCBની ટીમ અન્ય પોલીસ ટીમો સાથે સંકલન કરીને હત્યા અને લૂંટના આ કેસમાં આરોપીઓની શોધખોળ કરી રહી છે.

પાંચ દિવસ બાદ પણ આરોપીઓ પોલીસ પકડથી દૂર

ઘટનાને પાંચ દિવસનો સમય વીતી ગયો હોવા છતાં હજુ સુધી હત્યારાઓનું પગેરું પોલીસને મળ્યું નથી. જેના કારણે પોલીસ માટે આરોપીઓને ઝડપી પાડવાનો પડકાર વધુ ગંભીર બન્યો છે. SITની રચના બાદ હવે તપાસમાં વધુ ઝડપ આવે તેવી શક્યતા છે.

હત્યારાઓ સુધી પહોંચવા પોલીસની કવાયત

લૂંટ અને હત્યા બંને પાસાઓને ધ્યાનમાં રાખીને પોલીસ દ્વારા તપાસ આગળ ધપાવવામાં આવી રહી છે. SIT સહિત 20 જેટલી ટીમો દ્વારા સંભવિત કડીઓની તપાસ કરવામાં આવી રહી છે. હવે પોલીસ તપાસમાં કઈ મહત્વની કડી હાથ લાગે છે અને નિધિ પટેલના હત્યારાઓ ક્યારે ઝડપાય છે તેના પર સૌની નજર છે.

આ પણ વાંચો : Sardar dham: શિક્ષણલક્ષી પહેલ: 1,150 તેજસ્વી વિદ્યાર્થીઓને રૂ.5 કરોડની ઉચ્ચ શિક્ષણ સહાય