Kheda: મહુધામાં હિન્દુ યુવક પર હુમલા બાદ તંત્રનું મોટું એક્શન, 48 જેટલા દબાણો પર બુલડોઝર ફરી વળ્યું
Kheda
Kheda: મહુધામાં હિન્દુ યુવક પર હુમલા બાદ તંત્રનું મોટું એક્શન, 48 જેટલા દબાણો પર બુલડોઝર ફરી વળ્યું
Kheda
Kheda: ખેડા જિલ્લાના મહુધામાં હિન્દુ યુવક પર હુમલાની ઘટના બાદ હવે તંત્ર એક્શનમાં આવ્યું છે. ગઈકાલે સાંજે બનેલી હુમલાની ઘટના મામલે ત્રણ આરોપીઓ વિરુદ્ધ FIR નોંધાયા બાદ આજે મહુધામાં દબાણ હટાવવાની મોટી કાર્યવાહી હાથ ધરવામાં આવી છે. મહુધાની ફીનાવ ભાગોળ અને આસપાસના વિસ્તારોમાં અંદાજે 48 જેટલા કાચા-પાકા દબાણો દૂર કરવાની કામગીરી શરૂ કરવામાં આવી છે. તંત્રની આ કાર્યવાહી દરમિયાન પોલીસનો ચુસ્ત બંદોબસ્ત ગોઠવવામાં આવ્યો છે.
હુમલા બાદ તંત્રની કાર્યવાહી
મહુધામાં ગઈકાલે સાંજે હિન્દુ યુવક પર હુમલો થયાની ઘટના સામે આવી હતી. ઘટનાને પગલે પોલીસ દ્વારા સમગ્ર મામલે તપાસ હાથ ધરવામાં આવી હતી અને ત્રણ આરોપીઓ વિરુદ્ધ FIR નોંધવામાં આવી હોવાનું સામે આવ્યું છે. ઘટનાના બીજા જ દિવસે તંત્ર દ્વારા દબાણો હટાવવાની કાર્યવાહી શરૂ થતાં સમગ્ર વિસ્તારમાં ચર્ચાનો માહોલ જોવા મળી રહ્યો છે.
ફીનાવ ભાગોળમાં 48 જેટલા દબાણો નિશાન પર
મહુધાની ફીનાવ ભાગોળ અને આસપાસના વિસ્તારમાં 48 જેટલા કાચા-પાકા દબાણો દૂર કરવાની કામગીરી હાથ ધરવામાં આવી છે. તંત્ર દ્વારા દબાણો અંગેની કાર્યવાહી માટે બુલડોઝર સહિતની મશીનરી સ્થળ પર પહોંચાડવામાં આવી છે.
પોલીસના ચુસ્ત બંદોબસ્ત વચ્ચે કાર્યવાહી
દબાણ હટાવવાની કામગીરી દરમિયાન કોઈ અનિચ્છનીય બનાવ ન બને તે માટે મહુધામાં ચુસ્ત પોલીસ બંદોબસ્ત ગોઠવવામાં આવ્યો છે. પોલીસની હાજરી વચ્ચે તંત્ર દ્વારા એક પછી એક દબાણો દૂર કરવાની કામગીરી આગળ વધારવામાં આવી રહી છે.
અસામાજિક તત્વોને સબક શીખવાડવા તંત્ર એક્શનમાં
હુમલાની ઘટના બાદ તંત્રની આ કાર્યવાહી સામે આવતા અસામાજિક તત્વો સામે કડક કાર્યવાહીનો સંદેશ આપવાનો પ્રયાસ માનવામાં આવી રહ્યો છે. જોકે, દબાણો ખરેખર કયા નિયમોના ભંગ બદલ દૂર કરવામાં આવી રહ્યા છે તે અંગે તંત્રની સત્તાવાર વિગતોની રાહ જોવાઈ રહી છે. મહુધામાં પોલીસ બંદોબસ્ત વચ્ચે દબાણ હટાવવાની કામગીરી હાલ ચાલુ છે. સમગ્ર મામલે પોલીસ અને વહીવટી તંત્ર દ્વારા આગળની કાર્યવાહી હાથ ધરવામાં આવી રહી છે.
