Jamnagar ના બેડીમાં અથડામણ બાદ પોલીસનું કડક એક્શન, આરોપીને ઘટનાસ્થળે લઈ જઈ રિકન્સ્ટ્રક્શન કર્યુ
jamnagar bedi police
Jamnagar ના બેડીમાં અથડામણ બાદ પોલીસનું કડક એક્શન, આરોપીને ઘટનાસ્થળે લઈ જઈ રિકન્સ્ટ્રક્શન કર્યુ
jamnagar bedi police
Jamnagar : પ્રાથમિક માહિતી મુજબ કોઈ મુદ્દે થયેલી બોલાચાલી બાદ બંને જૂથ સામસામે આવી ગયા હતા અને મામલો ધીમે ધીમે ઉગ્ર બન્યો હતો. ત્યારબાદ બંને પક્ષ વચ્ચે છૂટાહાથે મારામારી થઈ હોવાની માહિતી સામે આવી છે.
અથડામણ દરમિયાન કેટલાક શખ્સો દ્વારા પથ્થરમારો કરવામાં આવ્યો હોવાની પણ વિગતો સામે આવી છે. સમગ્ર ઘટનાનો વીડિયો સોશિયલ મીડિયા પર વાયરલ થયા બાદ પોલીસનું ધ્યાન આ મામલા તરફ ગયું હતું. વાયરલ વીડિયોને આધારે પોલીસે ઘટનાની ગંભીરતાથી તપાસ શરૂ કરી હતી.
બે જૂથ વચ્ચે મારામારી-પથ્થરમારો થયો હતો
જામનગર સિટી બી પોલીસ દ્વારા સમગ્ર મામલે તાત્કાલિક કાર્યવાહી હાથ ધરવામાં આવી છે. સિટી બી પોલીસ સ્ટેશનના PI એન.બી. ચૌહાણના માર્ગદર્શન હેઠળ પોલીસ ટીમે ઘટનાની તપાસ શરૂ કરી હતી અને વાયરલ થયેલા વીડિયોની પણ તપાસ કરવામાં આવી રહી છે. પોલીસ દ્વારા આ ઘટનામાં એક આરોપીને ઝડપી પાડવામાં આવ્યો હોવાનું સામે આવ્યું છે. આરોપીની પૂછપરછ અને ઘટનાની હકીકત જાણવા માટે તેને ઘટનાસ્થળે લઈ જવામાં આવ્યો હતો.
જ્યાં સમગ્ર ઘટનાનું રિકન્સ્ટ્રક્શન કરાવવામાં આવ્યું હતું. રિકન્સ્ટ્રક્શનના આધારે અથડામણ કયા સંજોગોમાં થઈ અને ઘટનામાં કોણ-કોણ સામેલ હતું તે અંગે પોલીસ વધુ માહિતી એકત્ર કરી રહી છે. હાલ પોલીસે મારામારી પાછળનું ચોક્કસ કારણ જાણવા માટે તપાસ તેજ કરી છે. શરૂઆતમાં બોલાચાલી બાદ મામલો ઉગ્ર બન્યો હોવાનું સામે આવ્યું છે, પરંતુ વિવાદનું મૂળ કારણ શું હતું તે અંગે પોલીસ તપાસ કરી રહી છે.
પોલીસે ગુનો નોંધી તપાસ કરી શરૂ
આ ઉપરાંત વાયરલ વીડિયોમાં દેખાતા તેમજ ઘટનામાં સંડોવાયેલા અન્ય શખ્સોની ઓળખ કરવા માટે પણ પોલીસ દ્વારા તપાસ કરવામાં આવી રહી છે. પોલીસ સોશિયલ મીડિયા પર વાયરલ થયેલા વીડિયો અને અન્ય ઉપલબ્ધ પુરાવાઓના આધારે ઘટનાક્રમ સમજવાનો પ્રયાસ કરી રહી છે. બેડી વિસ્તારમાં બનેલી આ ઘટનાને પગલે સ્થાનિક સ્તરે પણ ચર્ચા જોવા મળી રહી છે. પોલીસ દ્વારા સમગ્ર મામલે કાયદો અને વ્યવસ્થા જળવાઈ રહે તે માટે જરૂરી કાર્યવાહી કરવામાં આવી રહી છે.
હાલ સિટી બી પોલીસ દ્વારા એક આરોપીને ઝડપી પાડી આગળની કાર્યવાહી હાથ ધરવામાં આવી છે. મારામારી અને પથ્થરમારાની આ ઘટનામાં વધુ કોઈ વ્યક્તિ સંડોવાયેલી છે કે કેમ તથા અથડામણ પાછળનું ચોક્કસ કારણ શું હતું તે અંગેની તપાસ હજુ ચાલુ છે.
Vivek Shah
વિવેક શાહ ગ્રોથ નાઉ ન્યૂઝમાં Senior Assignment Editor તરીકે કામ કરે છે. ક્રાઇમ હોય કે ઘટના, મૂળમાં ઉતરીને રિપોર્ટિંગ કરવાની આદતે તેમણે અલગ ઓળખ બનાવી છે.. તેમના દ્વારા લખાતી પોલીસ પંચાત સ્પેશયલ કોલમ ખાસ વંચાય છે.. 11 વર્ષનો બોહળો અનુભવ તેમણે મોટા નેટવર્કની વિવિધ ચેનલ્સ સાથે કામ કરીને કેળવ્યો છે
