Gandhinagar: ભાજપના બક્ષીપંચ મોરચાના 25 કારોબારી સભ્યોની કરાઈ જાહેરાત, કોને કોને મળ્યું સ્થાન?

Gandhinagar: ગુજરાત પ્રદેશ ભારતીય જનતા પાર્ટી દ્વારા બક્ષીપંચ મોરચાના સંગઠનને વધુ મજબૂત બનાવવા માટે કારોબારી સભ્યોની જાહેરાત કરવામાં આવી છે. પ્રદેશ ભાજપ પ્રમુખ જગદીશ વિશ્વકર્મા દ્વારા પ્રદેશ બક્ષીપંચ મોરચાના 25 કારોબારી સભ્યોની નિમણૂક જાહેર કરવામાં આવી છે. રાજ્યના વિવિધ જિલ્લાઓ અને મહાનગરોમાંથી આગેવાનોનો આ કારોબારીમાં સમાવેશ કરવામાં આવ્યો છે.

વિવિધ વિસ્તારોના કાર્યકરો અને આગેવાનોને સ્થાન આપવામાં આવ્યું

ભાજપ દ્વારા જાહેર કરવામાં આવેલી યાદી મુજબ, બક્ષીપંચ મોરચાની પ્રદેશ કારોબારીમાં વિવિધ વિસ્તારોના કાર્યકરો અને આગેવાનોને સ્થાન આપવામાં આવ્યું છે. આ નિમણૂકો દ્વારા સંગઠનાત્મક કામગીરીને વધુ વેગ આપવા અને વિવિધ જિલ્લાઓમાં પક્ષના સંગઠનને મજબૂત બનાવવાનો પ્રયાસ કરવામાં આવ્યો છે. જાહેર કરાયેલી યાદીમાં ઝીંગા, સુરત, તાપી, વડોદરા, પંચમહાલ, મહીસાગર, કચ્છ, અમદાવાદ, ગાંધીનગર, મહેસાણા, બનાસકાંઠા, વાવ-થરાદ, રાજકોટ, મોરબી, જૂનાગઢ, પોરબંદર, અમરેલી, ભાવનગર અને બોટાદ સહિતના વિસ્તારોના પ્રતિનિધિઓનો સમાવેશ થાય છે. આથી રાજ્યના અલગ-અલગ પ્રદેશોમાં સંગઠનાત્મક જવાબદારીઓના વિતરણને મહત્ત્વ આપવામાં આવ્યું છે.

સંગઠનની કામગીરીને કેવી રીતે આગળ વધશે તેના પર સૌની નજર

આ નિમણૂક યાદીમાં વિશ્વનાથ મહાલે, કિશનભાઈ પટેલ (કોળી પટેલ), રાજુભાઈ મોહિતે, ભરતભાઈ સ્વામી, ધર્મેશકુમાર પંચોલી, ઈલેન્દ્રભાઈ બારોટ, જયેન્દ્રભાઈ બારોટ, કલ્પેશભાઈ નાઢાં, મહેશભાઈ ચાવડા, રમણભાઈ ભોઈ સહિતના આગેવાનોનો સમાવેશ થાય છે. અન્ય નિમણૂકોમાં મહેન્દ્રભાઈ બાવળીયા, રમેશજી ઠાકોર, પવનભાઈ ચૌધરી, કુંજનભાઈ બારોટ, પીરાભાઈ સુથાર, વિશાલભાઈ બાંગડિયા, ઘનશ્યામસિંહ ગોહિલ, ડૉ. રવિનાબેન મેઘનાથી, જશુભાઈ બસિયા, મહેન્દ્રભાઈ જુંગી, બાબુભાઈ રામ, પાર્થભાઈ ગોંડલીયા, ભલાભાઈ ચાવડા, અરવિંદભાઈ ડોડિયા અને રામપ્રસાદ દેવમુરારીનો સમાવેશ થાય છે.

પ્રદેશ બક્ષીપંચ મોરચાના પ્રમુખ માનસિંહ પરમાર દ્વારા જાહેર કરાયેલી આ નિમણૂકોને પગલે પક્ષના સંગઠનમાં નવી જવાબદારીઓનું વિતરણ થયું છે. હવે નવા નિયુક્ત કારોબારી સભ્યો સંગઠનની કામગીરીને કેવી રીતે આગળ વધારે છે તેના પર સૌની નજર રહેશે.

આ પણ વાંચો: Amreli News: ચલાલાને મળશે રૂપિયા 6 કરોડના ખર્ચે અતિ આધુનિક ST બસ સ્ટેન્ડની ભેટ, જાહેર પરિવહન વ્યવસ્થાને મળશે વેગ