Bhavnagar: શેત્રુંજી ડેમ 100% ભરાયો, 20 દરવાજા ખોલાયા; 4,800 ક્યુસેક પાણી છોડાયું

Bhavnagar: ભાવનગર જિલ્લાના પાલિતાણા તાલુકાના રાજસ્થળી ખાતે આવેલો શેત્રુંજી ડેમ તેની પૂર્ણ સપાટીએ એટલે કે 100 ટકા ભરાઈ જતા વહીવટી તંત્ર એલર્ટ થયું છે. ઉપરવાસમાંથી સતત પાણીની આવક ચાલુ રહેતા ડેમનું રૂલ લેવલ જાળવવા માટે ડેમમાંથી પાણી છોડવાનો નિર્ણય લેવામાં આવ્યો છે. તંત્ર દ્વારા નીચાણવાળા વિસ્તારોમાં રહેતા લોકોને સાવચેતી રાખવા અપીલ કરવામાં આવી છે.

20 દરવાજા એક-એક ફૂટ ખોલાયા

શેત્રુંજી ડેમના 20 દરવાજા એક-એક ફૂટ એટલે કે આશરે 0.30 મીટર જેટલી ઊંચાઈએ ખોલવામાં આવ્યા છે. ડેમમાંથી શેત્રુંજી નદીમાં અંદાજે 4,800 ક્યુસેક પાણી છોડવામાં આવી રહ્યું છે. પાણી છોડવામાં આવતા નદીના પટમાં પાણીનું સ્તર વધવાની શક્યતા છે.

17 ગામોને હાઈ એલર્ટ

ડેમમાંથી પાણી છોડાયા બાદ નદીના પટ અને આસપાસના નીચાણવાળા વિસ્તારોમાં પાણીનું સ્તર વધી શકે છે. જેને પગલે ભાવનગર જિલ્લા વહીવટી તંત્ર દ્વારા પાલિતાણા અને તળાજા તાલુકાના 17 ગામોને હાઈ એલર્ટ કરવામાં આવ્યા છે. સ્થાનિક તંત્ર દ્વારા પરિસ્થિતિ પર સતત નજર રાખવામાં આવી રહી છે.

નદી-નાળા ઓળંગવા નહીં

તંત્ર દ્વારા નીચાણવાળા વિસ્તારોમાં રહેતા લોકોને ખાસ સાવચેતી રાખવા સૂચના આપવામાં આવી છે. લોકોને નદીના પટમાં ન જવા, નદી કે નાળા ઓળંગવાનો પ્રયાસ ન કરવા અને પાણીના પ્રવાહથી દૂર રહેવા જણાવાયું છે. ડેમમાંથી પાણી છોડવામાં આવતા કોઈ અનિચ્છનીય ઘટના ન બને તે માટે વહીવટી તંત્ર દ્વારા સ્થિતિ પર નજર રાખવામાં આવી રહી છે.

મુખ્ય મુદ્દા

શેત્રુંજી ડેમ 100 ટકા ભરાયો

ડેમના 20 દરવાજા ખોલાયા

દરેક દરવાજો 1 ફૂટ એટલે 0.30 મીટર ખોલાયો

અંદાજે 4,800 ક્યુસેક પાણી છોડાયું

પાલિતાણા અને તળાજાના 17 ગામોને હાઈ એલર્ટ

નદીના પટમાં ન જવા તંત્રની સૂચના

નદી-નાળા ઓળંગવાનો પ્રયાસ ન કરવા અપીલ

તંત્ર દ્વારા સતત પરિસ્થિતિનું મોનિટરિંગ

આ પણ વાંચો : Surat Ganpatiની અનોખી સ્થાપના! રાંદેરમાં ઊભી કરાઈ 1970ના ગામની થીમ, જૂની યાદો થઈ તાજી