Asian Games 2026ના સ્ટાર્સને મળ્યા PM મોદી, ભારતીય ખેલાડીઓને પ્રોત્સાહિત

Asian Games 2026: 15 ઓક્ટોબરના રોજ, પ્રધાનમંત્રી નરેન્દ્ર મોદીએ જાપાનના આઈચી-નાગોયામાં 2026ના એશિયન ગેમ્સના મેડલ વિજેતાઓ સાથે નવી દિલ્હીના મેજર ધ્યાનચંદ નેશનલ સ્ટેડિયમ ખાતે મુલાકાત કરી. ભારતે કુલ 85 મેડલ જીત્યા અને મેડલ ટેલીમાં ટોપના પાંચમાં સ્થાન મેળવ્યું . એશિયન ગેમ્સના 44 વર્ષના ઈતિહાસમાં પહેલી વાર, ભારતની મેન્સ અને વિમેન્સ હોકી ટીમે ગોલ્ડ મેડલ જીત્યા, જ્યારે મેન્સ અને વિમેન્સ ક્રિકેટ ટીમે ફરી એકવાર ગોલ્ડ મેડલ જીત્યા. ભારતીય ખેલાડીઓએ એશિયન ગેમ્સ 2026માં શાનદાર પ્રદર્શન કર્યું. ભારતે 21 ગોલ્ડ મેડલ, 27 સિલ્વર મેડલ અને 37 બ્રોન્ઝ મેડલ જીત્યા. વડાપ્રધાન નરેન્દ્ર મોદીએ હવે ભારતીય ખેલાડીઓ સાથે મુલાકાત કરી છે, જેનો એક વીડિયો પણ સામે આવ્યો છે.

હરમનપ્રીત કૌરે ગિફ્ટ કરી જર્સી

દિલ્હીના મેજર ધ્યાનચંદ સ્ટેડિયમમાં PM મોદીએ એશિયન ગેમ્સના મેડલ વિજેતાઓ સાથે મુલાકાત કરી. ભૂતપૂર્વ ભારતીય વિમેન્સ ક્રિકેટ કેપ્ટન હરમનપ્રીત કૌર અને વિમેન્સ ક્રિકેટ ટીમે પીએમ મોદીને ટીમની જર્સી ગિફ્ટ કરી. હરમનપ્રીત કૌરની કેપ્ટનશીપ હેઠળ ભારતે ફાઈનલમાં શ્રીલંકાને હરાવીને ગોલ્ડ મેડલ જીત્યો.

વધુમાં ભારતીય વિમેન્સ હોકી ટીમે PM મોદીને હોકી સ્ટીક ભેટમાં આપી હતી. પ્રધાનમંત્રી મોદીએ ખેલાડીઓ સાથે વાતચીત પણ કરી હતી. PM મોદી સાથેની મુલાકાત દરમિયાન ભારતીય ખેલાડીઓ ખૂબ જ ખુશ જોવા મળી રહી હતી.

પ્રધાનમંત્રીએ ભારતીય ખેલાડીઓની પ્રશંસા કરી

PM મોદીએ ભારતીય ખેલાડીઓની પ્રશંસા કરી અને તેમને પ્રોત્સાહન આપ્યું. ભારતીય મેન્સ અને વિમેન્સ હોકી ટીમોની પ્રશંસા કરતા PM મોદીએ કહ્યું કે "મેન્સ અને વિમેન્સ બંને હોકી ટીમો આજે અહીં હાજર છે. બંનેએ ભારત માટે ગોલ્ડ મેડલ જીત્યા છે. ખાસ કરીને વિમેન્સ ટીમે 44 વર્ષમાં પહેલીવાર ગોલ્ડ મેડલ જીત્યો છે. આ સમગ્ર દેશ માટે એક મોટી અને ગર્વની ક્ષણ છે."

પોતાના સંબોધનમાં PM મોદીએ કોચ, સપોર્ટ સ્ટાફ અને પરિવારના સભ્યો પ્રત્યે કૃતજ્ઞતા વ્યક્ત કરી. તેમને કહ્યું કે "હું તમારા કોચ, સપોર્ટ સ્ટાફ અને પરિવારના સભ્યોને હૃદયપૂર્વક અભિનંદન આપું છું. આજે આપણા ભૂતપૂર્વ રાષ્ટ્રપતિ ડો. એપીજે અબ્દુલ કલામની જન્મજયંતિ પણ છે. હું તેમને મારી આદરપૂર્વક શ્રદ્ધાંજલિ અર્પણ કરું છું. આ એશિયન ગેમ્સ ઘણી રીતે યાદગાર રહી. આપણી મેન્સ અને વિમેન્સ બંને હોકી ટીમોએ ગોલ્ડ મેડલ જીત્યા. ખાસ કરીને વિમેન્સ હોકી ટીમે ગોલ્ડ મેડલ જીતીને 44 વર્ષની રાહનો અંત લાવ્યો. ક્રિકેટમાં આપણી મેન્સ અને વિમેન્સ બંને ટીમે સતત બીજી વખત ગોલ્ડ મેડલ જીતીને પોતાનો જ રેકોર્ડ તોડ્યો. બંને ટીમે કબડ્ડીમાં ગોલ્ડ મેડલ જીત્યા. ભારતે તીરંદાજીમાં પણ 5 ગોલ્ડ મેડલ જીત્યા."

આ પણ વાંચો: Sanju Samsonએ T20Iમાં મચાવી ધૂમ, આ સિદ્ધિ મેળવનાર માત્ર છઠ્ઠો ભારતીય બન્યો