Kartik Aaryan: કાર્તિક આર્યન અને શ્રીલીલાની ફિલ્મની રિલીઝ ડેટ કરવામાં આવી જાહેર

Kartik Aaryan: ફેબ્રુઆરી 2025 માં ટી-સીરીઝે અનુરાગ બાસુ દ્વારા દિગ્દર્શિત કાર્તિક આર્યન અને શ્રીલીલા સ્ટારર રોમેન્ટિક-મ્યુઝિકલ ફિલ્મની જાહેરાત કરી. જ્યારે ફિલ્મનું પહેલું ટીઝર રિલીઝ થયું, ત્યારે ચર્ચાઓ શરૂ થઈ કે તે "આશિકી 3" ની સિક્વલ હોઈ શકે છે. પરંતુ પછીથી સ્પષ્ટ થયું કે આ "આશિકી 3" નથી, પરંતુ એક અલગ ફિલ્મ છે. હવે મેકર્સે ટાઈટલ વિનાની ફિલ્મની રિલીઝ તારીખ જાહેર કરી છે.

કાર્તિક આર્યન અને શ્રીલીલાની આ અનટાઈટલ્ડ રોમેન્ટિક-મ્યુઝિકલ ફિલ્મ આવતા વર્ષે 30 એપ્રિલે થિયેટરમાં રિલીઝ થશે. મેકર્સે 15 ઓક્ટોબરે સોશિયલ મીડિયા પોસ્ટ દ્વારા રિલીઝ તારીખની જાહેરાત કરી. મેકર્સે લખ્યું છે કે "એક નવી સ્ટોરી જે તમારા દિલને મોહિત કરશે તે મોટા પડદા પર આવવા માટે તૈયાર છે. કાર્તિક આર્યન અને શ્રીલીલા સ્ટારર આ અનટાઈટલ્ડ ફિલ્મનું નિર્દેશન અનુરાગ બાસુ દ્વારા કરવામાં આવ્યું છે અને તેનું નિર્માણ ભૂષણ કુમાર દ્વારા કરવામાં આવ્યું છે. તે 30 એપ્રિલ, 2027 ના રોજ થિયેટરમાં રિલીઝ થશે."

આ ફિલ્મ 2025માં દિવાળી પર રિલીઝ થવાની હતી

આ ફિલ્મની જાહેરાત પછી ફિલ્મે ખૂબ જ ચર્ચા જગાવી હતી. શરૂઆતમાં મેકર્સે તેને દિવાળી 2025 પર રિલીઝ કરવાની યોજના બનાવી હતી, પરંતુ તે સમયે ફિલ્મ રિલીઝ થઈ શકી નહીં. મેકર્સે રિલીઝ મુલતવી રાખી હતી. થોડા સમય માટે ફિલ્મ અંગે કોઈ માહિતી મળી ન હતી, પરંતુ હવે મેકર્સે નવી રિલીઝ તારીખની જાહેરાત કરી છે.

View post on Instagram

ફિલ્મનું નામ શું હોઈ શકે?

ફિલ્મનું શીર્ષક હજુ સુધી સત્તાવાર રીતે જાહેર કરવામાં આવ્યું નથી, મીડિયા રિપોર્ટ મુજબ ફિલ્મનું નામ "તુ મેરી જિંદગી હૈ" હોઈ શકે છે. જાહેરાતના ટીઝર વીડિયોમાં કાર્તિક "તુ મેરી જિંદગી" ગીત પરફોર્મ કરતો પણ જોવા મળ્યો હતો. મેકર્સ ક્યારે ટાઈટલની જાહેરાત કરશે તે જોવાનું રહેશે.

કાર્તિક આર્યન પાસે બીજી એક મોટી ફિલ્મ "નાગઝિલા" પણ છે. આ ફિલ્મ પણ આવતા વર્ષે રિલીઝ થવાની છે. તેની રિલીઝ તારીખ 12 ફેબ્રુઆરી, 2027 છે. તે કરણ જોહરના ધર્મા પ્રોડક્શન્સ દ્વારા નિર્મિત છે.

આ પણ વાંચો: Ramayana: 'એનિમલ'ની રાહ પર રણબીર કપૂર...! 'રામાયણ'નો રનટાઈમ જાણીને ચોંકી જશો