Gold Silver Price Today : રક્ષાબંધન પર સોનાના ભાવમાં ઘટાડો, ચાંદી પણ સસ્તી, જાણો શહેરવાર લેટેસ્ટ રેટ
Gold Silver Price Today
Gold Silver Price Today : રક્ષાબંધન પર સોનાના ભાવમાં ઘટાડો, ચાંદી પણ સસ્તી, જાણો શહેરવાર લેટેસ્ટ રેટ
Gold Silver Price Today
Gold Silver Price Today : 28 ઓગસ્ટ, 2026ના રોજ ભારતીય સરાફા બજારમાં બંને કિંમતી ધાતુઓના ભાવમાં નરમાઈ જોવા મળી રહી છે. તહેવારોની સિઝન શરૂ થાય તે પહેલાં સોનાના ભાવમાં ઘટાડો થતા ખરીદદારોમાં રાહત જોવા મળી રહી છે.
આજે ભારતમાં 24 કેરેટ શુદ્ધ સોનાનો સરેરાશ ભાવ 16,297 રૂપિયા પ્રતિ ગ્રામ એટલે કે 1,62,970 રૂપિયા પ્રતિ 10 ગ્રામ નોંધાયો છે. જ્યારે જ્વેલરી માટે સૌથી વધુ પસંદ કરવામાં આવતા 22 કેરેટ સોનાનો ભાવ 14,939 રૂપિયા પ્રતિ ગ્રામ એટલે કે 1,49,390 રૂપિયા પ્રતિ 10 ગ્રામ છે.
ગોલ્ડ ખરીદનારાઓ માટે સારા સમાચાર
રક્ષાબંધનના અવસર પર લોકો બહેનને સોનાની વીંટી, પેન્ડન્ટ અથવા ચાંદીની જ્વેલરી ગિફ્ટમાં આપવાનું પસંદ કરે છે. ત્યારે કિંમતી ધાતુઓના ભાવમાં ઘટાડો ખરીદદારો માટે મહત્વપૂર્ણ બની શકે છે. ન્યૂઝ એજન્સી PTIના અહેવાલ મુજબ, નબળી હાજર માંગ વચ્ચે વાયદા બજારમાં ગુરુવારે સોનાનો ભાવ લગભગ સ્થિર રહ્યો હતો.
MCXમાં ઓક્ટોબર ડિલિવરીવાળા સોનાના કોન્ટ્રાક્ટનો ભાવ 13 રૂપિયા એટલે કે 0.01 ટકાના ઘટાડા સાથે 1,59,650 રૂપિયા પ્રતિ 10 ગ્રામ રહ્યો હતો. સત્રની શરૂઆતમાં સોનાનો ભાવ અગાઉના બંધ ભાવની સરખામણીએ નોંધપાત્ર રીતે નીચે ગયો હતો.
સોનાના ભાવમાં ઘટાડો થતાં ખરીદદારોને રાહત
બીજી તરફ ચાંદીના ભાવમાં પણ થોડો ઘટાડો નોંધાયો છે. 28 ઓગસ્ટે ચાંદીનો ભાવ પ્રતિ ગ્રામ આશરે 259.90 રૂપિયા રહ્યો હતો, જ્યારે અગાઉના દિવસે તે 260 રૂપિયા હતો. આ પ્રમાણે 10 ગ્રામ ચાંદીનો ભાવ 2,599 રૂપિયા, 100 ગ્રામનો ભાવ 25,990 રૂપિયા અને એક કિલોગ્રામ ચાંદીનો ભાવ આશરે 2,59,900 રૂપિયા રહ્યો છે.
શહેરવાર વાત કરીએ તો દિલ્હી, મુંબઈ, બેંગલુરુ અને ચેન્નાઈમાં 10 ગ્રામ 24 કેરેટ સોનાનો ભાવ 1,63,130 રૂપિયા અને 22 કેરેટનો ભાવ 1,49,540 રૂપિયા દર્શાવવામાં આવ્યો છે.
અમદાવાદમાં સોનું કેટલું સસ્તું થયું?
અમદાવાદમાં 24 કેરેટ સોનાનો ભાવ 1,63,030 રૂપિયા જ્યારે 22 કેરેટ સોનાનો ભાવ 1,49,445 રૂપિયા છે. નોઈડામાં 24 કેરેટ સોનું 1,63,130 રૂપિયા અને 22 કેરેટ સોનું 1,49,550 રૂપિયા છે. જોકે, સોનાના સ્થાનિક દુકાનના ભાવમાં GST, મેકિંગ ચાર્જ અને અન્ય ખર્ચને કારણે તફાવત હોઈ શકે છે.
તેથી જ્વેલરી ખરીદતા પહેલાં સ્થાનિક વેપારી પાસેથી અંતિમ ભાવની પુષ્ટિ કરવી જરૂરી છે. રક્ષાબંધનના દિવસે સોનું અને ચાંદી ખરીદવા માંગતા ગ્રાહકો માટે આજના નરમ ભાવ ચોક્કસપણે ધ્યાન ખેંચી રહ્યા છે.
Vivek Shah
વિવેક શાહ મિડીયા ક્ષેત્રે બહોળો અનુભવ ધરાવે છે, TV9 Gujaratiમાં તેમણે રીપોર્ટર અને પ્રોડયુસર તરીકે પણ 7 વર્ષ કરતા વધુ સમય કામ કર્યુ છે, સાથે સાથે ABP Asmitaમાં 2 વર્ષ જેટલો સમય Associate Producer તરીકે કામ કર્યુ છે અને Sandesh NEWS Digitalમાં છેલ્લા 2 વર્ષ Senior Sub Editor તરીકે કામ કર્યુ છે. ગુજરાત ફર્સ્ટમાં Assistant Ediotor તરીકે તેમણે 3 મહિના કામ કર્યુ અને હાલમાં તેઓ Growthnow NEWS માં Senior Assignment Editor તરીકે ડિજિટલ વિભાગમાં કામ કરી રહ્યાં છે.
