EPFO : ₹25,000 સુધીની બેઝિક સેલેરી પર ફરજિયાત PF! કર્મચારીઓના પગાર પર પડશે સીધી અસર

EPFO : નવા ફેરફાર હેઠળ EPFO કવરેજ માટેની Basic Salaryની મર્યાદા ₹15,000થી વધારીને ₹25,000 કરવામાં આવી છે. આ બદલાવથી પ્રાઈવેટ સેક્ટરમાં કામ કરતા અંદાજે 51 લાખ નવા કર્મચારીઓ EPFOના દાયરામાં આવી શકે છે. EPFO કર્મચારીઓ માટે રિટાયરમેન્ટ બાદની નાણાકીય સુરક્ષાનું મહત્વનું માધ્યમ છે. તેના હેઠળ કર્મચારીના પગારમાંથી PF માટે યોગદાન કરવામાં આવે છે.

સાથે જ એમ્પ્લોયર પણ પોતાના હિસ્સાનું યોગદાન આપે છે. આ ઉપરાંત EPFO સાથે જોડાયેલી પેન્શન અને EDLI જીવન વીમા જેવી સુવિધાઓ પણ લાગુ શરતો અનુસાર ઉપલબ્ધ થાય છે.

PF કપાત હવે વધશે?

નવા નિયમ પ્રમાણે જો કર્મચારીની Basic Salary ₹25,000 સુધી છે, તો PF માટે 12 ટકા યોગદાનના આધારે ગણતરી કરવામાં આવશે. ઉદાહરણ તરીકે Basic Salary ₹25,000 હોય તો કર્મચારીના પગારમાંથી ₹3,000 PF તરીકે કપાઈ શકે છે. એમ્પ્લોયર તરફથી પણ યોગદાન કરવામાં આવશે. અહીં સૌથી મહત્વનો સવાલ એ છે કે નવા નિયમની Take-Home Salary પર શું અસર થશે? તેનો જવાબ કંપનીની PF Contribution Policy પર આધારિત રહેશે.

જો કોઈ કંપની પહેલેથી જ કર્મચારીની સંપૂર્ણ Basic Salary પર 12 ટકા PF કાપતી હોય, તો માત્ર Wage Ceilingમાં થયેલા ફેરફારથી કર્મચારીની Take-Home Salaryમાં અલગથી મોટો ફેરફાર જરૂરી નથી. ઉદાહરણ તરીકે Basic Salary ₹40,000 હોય અને કંપની સંપૂર્ણ Basic પર PF ગણતી હોય તો કર્મચારીના હિસ્સા તરીકે 12 ટકા એટલે કે ₹4,800 PFમાં જઈ શકે છે.

PFમાં વધુ પૈસા કપાશે કે વધશે ટેક-હોમ સેલરી?

બીજી તરફ, જો કંપની અગાઉ ₹15,000ની મર્યાદા પ્રમાણે PF કાપતી હતી અને હવે ₹25,000ની નવી મર્યાદા પ્રમાણે કપાત કરે છે, તો કર્મચારીના પગારમાંથી PF તરીકે વધુ રકમ કપાઈ શકે છે. આવી સ્થિતિમાં હાથમાં મળતી Net Salary ઘટી શકે છે, પરંતુ PFમાં જતી રકમ અને લાંબા ગાળાના રિટાયરમેન્ટ લાભમાં વધારો થઈ શકે છે. ₹40,000 કે ₹50,000 Basic Salary ધરાવતા કર્મચારીઓ માટે પણ અસર કંપનીની PF ગણતરીની પદ્ધતિ પર આધારિત રહેશે.

₹50,000 Basic Salary હોવા છતાં જો કંપની નવી ₹25,000 Wage Ceilingનો ઉપયોગ કરે છે, તો PF Contributionની ગણતરી ₹25,000 સુધીની મર્યાદા પર થઈ શકે છે. આથી કર્મચારીઓએ પોતાની Salary Slipમાં Basic Salary, Employee PF Contribution અને Employer Contribution કેવી રીતે દર્શાવવામાં આવે છે તે ચોક્કસપણે તપાસવું મહત્વપૂર્ણ રહેશે. નવા નિયમની વાસ્તવિક અસર વ્યક્તિના પગાર માળખા અને કંપનીની PF નીતિ પ્રમાણે અલગ હોઈ શકે છે.

આ પણ વાંચો : Surat : ભાડે કાર ન આપી તો કારને જ આગ ચાંપી, બે આરોપીની પોલીસે કરી ધરકપકડ