Iran America Ceasefire: અમેરિકા અને ઈરાન વચ્ચે યુદ્ધવિરામની ઘોષણા કરવામાં આવી છે. આ જાહેરાત બાદ ભારત સરકારે ઈરાનમાં પોતાના નાગરિકોની સુરક્ષા અંગે ગંભીર ચિંતા વ્યક્ત કરી છે. ભારત સરકારે ભારતીયો માટે મુસાફરી પ્રતિબંધો જાહેર કર્યા છે અને તમામ ભારતીયોને તાત્કાલિક ઈરાન છોડવાનો નિર્દેશ આપ્યો છે.

સલાહકારની મુખ્ય માર્ગદર્શિકા

• કેન્દ્ર સરકારે ઈરાનમાં હાજર તમામ ભારતીયોને શક્ય તેટલી વહેલી તકે દેશ છોડવાનો નિર્દેશ આપ્યો છે.
• નાગરિકોને ચેતવણી આપવામાં આવી છે કે, તેઓ પરવાનગી વિના કોઈપણ આંતરરાષ્ટ્રીય સરહદો પાર કરવાનો પ્રયાસ ન કરે. સરકારે ફક્ત ભલામણ કરાયેલા સલામત માર્ગોનો ઉપયોગ કરવાની સલાહ આપી છે.
• તમામ ભારતીયોને તેહરાન સ્થિત ભારતીય દૂતાવાસ સાથે સતત સંપર્કમાં રહેવા કહેવામાં આવ્યું છે. અગાઉ સરકારે નાગરિકોને 48 કલાક સુધી સલામત સ્થળોએ રહેવા સૂચના આપી હતી.

ઇમરજન્સી હેલ્પલાઇન નંબરો જાહેર કરાયા

ઈરાનમાં ફસાયેલા ભારતીય નાગરિકો સહાય માટે નીચેના નંબરો અને ઇમેઇલ્સ પર સંપર્ક કરી શકે છે:

ઇમરજન્સી સંપર્ક નંબર: 

+989128109115

+989128109109

+989128109102

+989932179359

ઈમેલ આઈડી: cons.tehran@mea.gov.in

યુદ્ધવિરામ અને ટ્રમ્પની ચેતવણી 
રાષ્ટ્રપતિ ડોનાલ્ડ ટ્રમ્પે 7 એપ્રિલની સમયમર્યાદા પહેલાં બે અઠવાડિયાના યુદ્ધવિરામની જાહેરાત કરી હોવા છતાં આ ક્ષેત્રમાં તણાવ હજુ પણ વધુ છે. 28 ફેબ્રુઆરી, 2026ના રોજ સંઘર્ષ શરૂ થયો ત્યારથી રાષ્ટ્રપતિ ટ્રમ્પે ઈરાનને સમાધાન માટે છ તકો આપી છે. મંગળવારે ટ્રમ્પે ઈરાનને ચેતવણી આપી હતી કે, જો ઈરાન હોર્મુઝ સ્ટ્રેટ ફરીથી ખોલશે નહીં તો ગંભીર પરિણામો ભોગવવા પડશે.