India Team: Board of Control for Cricket in India (BCCI) એ ઇંગ્લેન્ડ પ્રવાસ માટેની ત્રણ મેચોની વનડે શ્રેણી માટે 15 સભ્યોની ભારતીય ટીમની જાહેરાત કરી છે. Shubman Gillને ટીમનો કપ્તાન બનાવવામાં આવ્યો છે, જ્યારે રોહિત શર્મા અને વિરાટ કોહલી લાંબા સમય બાદ વનડે ટીમમાં પરત ફર્યા છે. જો કે, અફઘાનિસ્તાન સામે શાનદાર સદી ફટકારનાર યુવા ઓપનર યશસ્વી જયસ્વાલને ટીમમાં સ્થાન મળ્યું નથી. બીજી તરફ, ઓલરાઉન્ડર હાર્દિક પંડ્યા ઈજાના કારણે સમગ્ર શ્રેણીમાંથી બહાર થઈ ગયા છે.

રોહિત પર વિશ્વાસ, જયસ્વાલને મળ્યો નહીં પુરસ્કાર
અફઘાનિસ્તાન શ્રેણીમાં રોહિત શર્માના ફોર્મ પર પ્રશ્નો ઉઠ્યા હતા, પરંતુ પસંદગીકારોએ અનુભવી બેટ્સમેન પર વિશ્વાસ જાળવી રાખ્યો છે. બીજી તરફ, યશસ્વી જયસ્વાલે એ જ શ્રેણીમાં શાનદાર સદી ફટકારી પોતાની દાવેદારી મજબૂત બનાવી હતી, છતાં તેમને અંતિમ ટીમમાં સ્થાન મળ્યું નથી.

કપ્તાન શુભમન ગિલે તાજેતરમાં કહ્યું હતું કે, ટીમની પસંદગી માથાના દુખાવા જેવો છે અને અંતિમ નિર્ણય ખેલાડીઓની ફિટનેસ તથા શ્રેષ્ઠ ટીમ સંયોજનને ધ્યાનમાં રાખીને લેવામાં આવશે.

કોહલી ફિટનેસ ક્લિયરન્સ બાદ રમશે
વિરાટ કોહલી આઈપીએલ 2026ના ફાઇનલ દરમિયાન હેમસ્ટ્રિંગ ઈજાથી પરેશાન હતા. તેમને ટીમમાં સામેલ કરવામાં આવ્યા છે, પરંતુ તેઓ ફિટનેસ ક્લિયરન્સ મળ્યા બાદ જ મેદાનમાં ઉતરશે. ઝડપી બોલર જસપ્રીત બુમરાહ પણ લગભગ ત્રણ વર્ષ બાદ વનડે ટીમમાં પરત ફર્યા છે. તેમણે છેલ્લી વનડે 2023 Cricket World Cup Finalમાં રમી હતી. જ્યારે મોહમ્મદદ સિરાજને ટીમમાં સ્થાન મળ્યું નથી, ત્યારે પ્રસિધ ક્રિશ્ના, હર્ષિત રાણા, અર્શદીપ સિંહ અને ગુરનુર બ્રારને જાળવી રાખવામાં આવ્યા છે.

1 જુલાઈથી શરૂ થશે ઇંગ્લેન્ડ પ્રવાસ
ભારતનો યુરોપ પ્રવાસ આયરલેન્ડ સામેની બે ટી20 મેચોથી શરૂ થશે. ત્યારબાદ ટીમ ઇંગ્લેન્ડ સામે પાંચ ટી20 અને ત્રણ વનડે મેચ રમશે.

વનડે શ્રેણીનું આયોજન આ મુજબ છે:

પ્રથમ વનડે – 14 જુલાઈ, Birmingham
બીજો વનડે – 16 જુલાઈ, Cardiff
ત્રીજો વનડે – 19 જુલાઈ, Lord's Cricket Ground

ઇંગ્લેન્ડ પ્રવાસ માટે ભારતની વનડે ટીમ
શુભમન ગિલ (કપ્તાન)
રોહિત શર્મા
વિરાટ કોહલી*
શ્રેયસ ઐય્યર (ઉપકપ્તાન)
કેએલ રાહુલ (વિકેટકીપર)
ઇશાન કિશન (વિકેટકીપર)
વોશિંગ્ટન સુંદર
અક્ષર પટેલ
નિતિશ કુમાર રેડ્ડી
કુલદીપ યાદવ
જસપ્રીત બુમરાહ
પ્રસિધ ક્રિશ્ના
હર્ષિત રાણા
અર્શદીપ સિંહ
ગુરનુર બ્રાર

*ફિટનેસ ક્લિયરન્સ મળ્યા બાદ રમશે.

વનડે શ્રેણીનો કાર્યક્રમ
પ્રથમ વનડે – 14 જુલાઈ, બર્મિંઘમ
બીજો વનડે – 16 જુલાઈ, કાર્ડિફ
ત્રીજો વનડે – 19 જુલાઈ, લોર્ડ્સ