હરિદ્વાર: રાજસ્થાનથી યાત્રાળુઓ લઈને હરિદ્વાર જઈ રહેલી એક બસ અચાનક નિયંત્રણ ગુમાવીને પલટી ગઈ હોવાની ઘટના સામે આવી છે. આ અકસ્માતમાં એક મહિલાનું મોત નિપજ્યું છે, જ્યારે 25થી વધુ લોકો ઈજાગ્રસ્ત થયા છે.

માહિતી મુજબ, બસમાં ભરેલા શ્રદ્ધાળુઓ યાત્રા માટે હરિદ્વાર જઈ રહ્યા હતા ત્યારે માર્ગ પર અચાનક ડ્રાઈવરે વાહન પરનો કાબૂ ગુમાવ્યો હતો, જેના કારણે બસ પલટી ગઈ હતી.

ઘટનાની જાણ થતા જ સ્થાનિક પોલીસ અને રાહત ટીમો તાત્કાલિક સ્થળે પહોંચી હતી અને ઈજાગ્રસ્તોને નજીકની હોસ્પિટલમાં સારવાર માટે ખસેડવામાં આવ્યા હતા.

ઘટનાને લઈને પોલીસ દ્વારા પ્રાથમિક તપાસ શરૂ કરવામાં આવી છે અને અકસ્માતના ચોક્કસ કારણો જાણવા પ્રયાસ કરવામાં આવી રહ્યો છે.