વડોદરા: PM Narendra Modi પોતાના બે દિવસીય ગુજરાત પ્રવાસ દરમિયાન સંસ્કારી નગરી Vadodara પહોંચ્યા હતા, જ્યાં તેમના ભવ્ય રોડ શોમાં લોકોનો જનસાગર ઉમટી પડ્યો હતો. PM મોદીના આગમનને લઈને શહેરભરમાં ભારે ઉત્સાહ અને દેશભક્તિનો માહોલ જોવા મળ્યો હતો. રોડ શોના રૂટ પર હજારો લોકો મોટી સંખ્યામાં ઉપસ્થિત રહ્યા હતા અને ‘મોદી મોદી’ના નારા સાથે વડાપ્રધાનનું ઉષ્માભર્યું સ્વાગત કર્યું હતું.

શહેરમાં ઉત્સવ જેવો માહોલ
વડોદરાના મુખ્ય માર્ગો પર લોકો વહેલી સવારથી જ ઉમટી પડ્યા હતા. યુવાનો, મહિલાઓ અને વડીલો સહિત દરેક વર્ગના લોકો રોડ શોમાં જોડાયા હતા. PM મોદીએ ખુલ્લી ગાડીમાં લોકોનું અભિવાદન સ્વીકાર્યું હતું. અનેક સ્થળોએ લોકો દ્વારા ફૂલવર્ષા કરીને તેમનું સ્વાગત કરવામાં આવ્યું હતું.

સુરક્ષા વચ્ચે ભવ્ય આયોજન
રોડ શોને ધ્યાનમાં રાખીને શહેરમાં ચુસ્ત પોલીસ બંદોબસ્ત ગોઠવાયો હતો. ટ્રાફિક ડાયવર્ઝન સાથે સુરક્ષા એજન્સીઓ પણ સતત સતર્ક રહી હતી. વડોદરા કોર્પોરેશન અને સ્થાનિક તંત્ર દ્વારા લોકો માટે પાણી, બસ અને અન્ય સુવિધાઓની પણ વ્યવસ્થા કરવામાં આવી હતી.

લોકોમાં ભારે ઉત્સાહ
રોડ શો દરમિયાન સંસ્કારી નગરીમાં ઉત્સવ જેવો માહોલ સર્જાયો હતો. લોકોમાં PM મોદીને જોવા અને તેમનું અભિવાદન કરવા ભારે ઉત્સુકતા જોવા મળી હતી.