એપ્રિલના પહેલા દિવસે સામાન્ય જનતાના ખિસ્સા પર મોંઘવારીનો નવા જ ઝાટકો પડ્યો છે. કોમર્શિયલ ગેસ સિલિન્ડરની કિંમતમાં રૂ.195નો વધારો કરીને તેનો ભાવ રૂ.2078 સુધી પહોંચી ગયો છે. નોંધનીય છે કે માત્ર એક મહિનામાં જ માર્કેટમાં ગેસ સિલિન્ડરની કિંમતમાં પહેલેથી જ થયેલા રૂ.115ના વધારાને જોડતાં કુલ વધારો રૂ.310 પહોંચી ગયો છે.

અહેવાલ અનુસાર, આ વર્ષે આવો ભાવ વધારો પાંચમો છે, જે હોટલ, રેસ્ટોરન્ટ અને વેપારીઓ માટે ખર્ચ વધારનાર મામલો બની રહ્યો છે. કોમર્શિયલ ગેસના ભાવ વધારાથી રેસ્ટોરન્ટ અને ખોરાક વ્યવસાયિકોના ઇનપુટ ખર્ચ પર સીધો અસર પડી રહી છે, જેને કારણે ચા, નાસ્તો અને જમવાની થાળીઓની કિંમતોમાં વધારો થવાની સંભાવના છે.

ઘરેલુ ગેસ સિલિન્ડરની કિંમતમાં હાલ કોઈ વધારો કરવામાં આવ્યો નથી, જેને કારણે સામાન્ય ગૃહિણીઓને થોડી રાહત મળી છે. વેપારીઓ અને ઉદ્યોગસાહસિકો માટે આ નિર્ણય વધુ પડકારરૂપ બની રહ્યો છે, ખાસ કરીને ખાદ્ય વ્યવસાયમાં સામગ્રીના ખર્ચને કારણે ભાવમાં વધારો થવાની શક્યતા છે.

સરકાર તરફથી હજુ સુધી ભાવ વધારો અંગે કોઈ ખાસ નિવેદન આપવામાં આવ્યું નથી, પરંતુ બજારમાં હાલના પરિવર્તનને લઈને હોટલ અને રેસ્ટોરન્ટ માલિકો ચિંતિત છે.