ગાંધીનગર: ગુજરાતના મુખ્યમંત્રી ભૂપેન્દ્ર પટેલે સુરતમાં આયોજિત એક કાર્યક્રમમાં હાજરી આપવા માટે ગાંધીનગરથી વંદે ભારત એક્સપ્રેસ ટ્રેનમાં મુસાફરી કરી છે.

આ ખાસ પ્રવાસ દરમિયાન તેમની સાથે કેન્દ્રીય મંત્રી મનસુખ માંડવિયા પણ સુરત જવા માટે રવાના થયા હતા.

વંદે ભારત ટ્રેન દ્વારા થયેલી આ મુસાફરીને લઈને રાજ્યના વિકાસ અને ઝડપી રેલ કનેક્ટિવિટીના સંદેશને પણ મહત્વપૂર્ણ ગણાવવામાં આવી રહ્યો છે.

સુરતમાં યોજાનારા કાર્યક્રમમાં બંને નેતાઓની હાજરીને લઈને રાજકીય અને પ્રશાસનિક સ્તરે પણ ઉત્સુકતા જોવા મળી રહી છે.