ચેન્નાઈ અને  પંજાબ સામે કારમી હાર બાદ શર્મનાક રેકોર્ડનો સામનો કરવો પડ્યો છે. આઈપીએલ 2026માં CSK સતત બીજી હાર ભોગવી રહી છે. પંજાબ સામે 5 વિકેટથી પરાજય બાદ ટીમ પર દબાણ વધ્યું છે.

ચેન્નાઈના ચેપક ખાતે રમાયેલી આ હાઈ-સ્કોરિંગ મેચમાં પંજાબ કિંગ્સે શાનદાર પ્રદર્શન કર્યું. કેપ્ટન અયૈર એ અડધી સદી ફટકારીને ટીમને જીત સુધી પહોંચાડી.

પ્રથમ બેટિંગ કરતા ચેન્નાઈ સુપર કિંગ્સે 20 ઓવરમાં 5 વિકેટે 209 રનનો મોટો સ્કોર ઉભો કર્યો હતો. છતાં, પંજાબ કિંગ્સે 19મી ઓવરમાં જ 5 વિકેટ ગુમાવીને 210 રનનો લક્ષ્યાંક હાંસલ કરી લીધો.

આ હાર સાથે CSK એ અનિચ્છનીય રેકોર્ડ બનાવ્યો છે. IPL 2022 પછી આ બીજી વખત છે જ્યારે ટીમે સિઝનની શરૂઆતની બંને મેચ ગુમાવી છે. વધુમાં, પંજાબ સામે 200થી વધુ રન બનાવ્યા બાદ CSK આ સુધીમાં છ વખત આવી સ્થિતિમાં આવી છે, જેમાંથી પાંચ વખત તેને હારનો સામનો કરવો પડ્યો છે. ખાસ વાત એ છે કે T20 ક્રિકેટમાં કોઈ એક જ ટીમ સામે 200+ રન બનાવ્યા બાદ સૌથી વધુ હારનો આ નવો રેકોર્ડ છે. 

આ મેચ માત્ર જીત-હાર સુધી મર્યાદિત રહી નથી, પરંતુ આંકડાકીય રીતે પણ ખાસ રહી છે. એક તરફ પંજાબ કિંગ્સે ટોચ પર પોતાનું સ્થાન મજબૂત બનાવ્યું છે, તો બીજી તરફ ચેન્નાઈ સુપર કિંગ્સ માટે આ સતત બીજી હાર અનેક પ્રશ્નો ઉભા કરે છે, કારણ કે ટીમ હાલ પોઈન્ટ ટેબલના તળિયે પહોંચી ગઈ છે.