આઈપીએલમ દરમિયાન મુલ્લાનપુરમાં પંજાબ કિંગ્સ સામે રમાયેલી મેચમાં રાજસ્થાન રોયલ્સના કેપ્ટન રિયાન પરાગ કેમેરામાં વેપિંગ કરતા જોવા મળતા વિવાદ સર્જાયો છે. આ ઘટના બાદ બોર્ડે કડક કાર્યવાહી કરતા પરાગ પર મેચ ફીના 25 ટકા દંડ ફટકાર્યો છે.

મેચ દરમિયાન થયેલી આ ઘટના સોશિયલ મીડિયા પર ઝડપથી વાયરલ થઈ હતી, જેના કારણે ક્રિકેટ જગતમાં ભારે ચર્ચા શરૂ થઈ હતી.  બીસીસીઆઈએ આ મામલાને ગંભીરતાથી લઈને રાજસ્થાન રોયલ્સ સામે પણ વધુ કડક પગલાં લેવાની સંભાવના દર્શાવી છે. બોર્ડ હાલમાં સમગ્ર ઘટનાની તપાસ કરી રહ્યું છે.

આ ઘટનાએ IPL જેવી પ્રતિષ્ઠિત લીગમાં ખેલાડીઓના વર્તન અંગે ફરી પ્રશ્નો ઊભા કર્યા છે. ખાસ કરીને યુવા ખેલાડીઓ માટે આ પ્રકારની ઘટનાઓ નકારાત્મક સંદેશ આપે છે તેવું માનવામાં આવે છે.

હાલમાં BCCI તરફથી વધુ કાર્યવાહી અંગેનો અંતિમ નિર્ણય તપાસ પૂર્ણ થયા બાદ લેવાશે.