ઓસ્ટ્રેલિયાના ક્રિકેટમાં એક મહત્વપૂર્ણ ફેરફાર સામે આવ્યો છે. ઓસ્ટ્રેલિયન ક્રિકેટ બોર્ડે 2026-27 સીઝન માટે સેન્ટ્રલ કરાર ધરાવતા ખેલાડીઓની યાદી જાહેર કરી છે, જેમાં કુલ 21 ખેલાડીઓને સ્થાન આપવામાં આવ્યું છે. પરંતુ આ યાદીમાં સ્ટાર ઓલરાઉન્ડર ગ્લેન મેક્સવેલને બહાર રાખવાનો નિર્ણય ચોંકાવનારો રહ્યો છે.

ગ્લેન મેક્સવેલ સિવાય યુવા ઓપનર સેમ કોન્સ્ટાસ, ઝડપી બોલર ઝાય રિચર્ડસન અને ઇન-ફોર્મ બેટ્સમેન મૅથ્યુ રેનશૉને પણ આ યાદીમાં સ્થાન મળ્યું નથી. નવા ખેલાડીઓને મળી તક આ વખતે ઓસ્ટ્રેલિયન ક્રિકેટ બોર્ડે ભવિષ્યને ધ્યાનમાં રાખીને નવા અને ઉભરતા ખેલાડીઓને તક આપી છે. બેકઅપ સ્પિનર તરીકે ટૉડ મર્ફીને સ્થાન આપવામાં આવ્યું છે. તેમજ નવી પસંદગીમાં ઝડપી બોલર બ્રેન્ડન ડોગેટ અને ઓપનર જેક વેદરાલ્ડને પણ પ્રથમ વખત સેન્ટ્રલ કરાર આપવામાં આવ્યો છે.

આગામી કાર્યક્રમ ખૂબ વ્યસ્ત આગામી 12 મહિનાઓ માટે ઓસ્ટ્રેલિયન ટીમનું કાર્યક્રમ ખૂબ વ્યસ્ત રહેશે. ટીમ ઓગસ્ટમાં બાંગ્લાદેશ સામે બે ટેસ્ટ મેચોની ઘરઆંગણે શ્રેણી રમશે. ત્યારબાદ તેઓ દક્ષિણ આફ્રિકા, ન્યુઝીલેન્ડ અને ભારત સામે મહત્વપૂર્ણ ટેસ્ટ શ્રેણીઓ રમશે. આ તમામ મેચો વર્લ્ડ ટેસ્ટ ચેમ્પિયનશિપના અંતિમ મુકામ સુધી પહોંચવા માટે અત્યંત મહત્વપૂર્ણ ગણાય છે.

હાલમાં ઓસ્ટ્રેલિયન ટીમ વર્લ્ડ ટેસ્ટ ચેમ્પિયનશિપના પોઈન્ટ ટેબલમાં ટોચ પર છે, જેના કારણે ટીમની પસંદગીમાં વિશેષ ધ્યાન આપવામાં આવ્યું છે. પસંદગી સમિતિનો અભિપ્રાય પસંદગી સમિતિના અધ્યક્ષ જ્યોર્જ બેલી એ જણાવ્યું કે,
“આ વખતે પસંદગી પ્રક્રિયામાં ટેસ્ટ અને બહુ-પ્રકારના ક્રિકેટ રમતા ખેલાડીઓને પ્રાથમિકતા આપવામાં આવી છે, કારણ કે ટીમને વિવિધ પરિસ્થિતિઓમાં સતત ક્રિકેટ રમવું પડશે.”