ગુજરાતમાં ઉનાળાની શરૂઆત સાથે જ ગરમીનો પ્રકોપ વધતો જોવા મળી રહ્યો છે. અમદાવાદ સહિત રાજ્યના અનેક શહેરોમાં તાપમાન 40 ડિગ્રીને પાર પહોંચતા જનજીવન પર તેની અસર દેખાઈ રહી છે.

શુક્રવારે અમદાવાદમાં 42 ડિગ્રી સેલ્સિયસ તાપમાન નોંધાયું હતું, જ્યારે અમરેલીમાં સૌથી વધુ 43 ડિગ્રી અને રાજકોટમાં પણ તાપમાન 43 ડિગ્રી સુધી પહોંચી ગયું હતું. ગાંધીનગરમાં 41 ડિગ્રી તાપમાન નોંધાતા રાજ્યના મુખ્ય શહેરોમાં ગરમીનો માહોલ રહ્યો હતો.

ગરમીના વધતા પ્રભાવને કારણે મોટાભાગના લોકો બપોરના સમયે બહાર જવાનું ટાળી રહ્યા છે. રસ્તાઓ પર પણ સામાન્ય દિવસોની સરખામણીએ ઓછી અવરજવર જોવા મળી રહી છે.

હવામાન વિભાગે આગાહી કરી છે કે આગામી દિવસોમાં તાપમાનમાં વધુ વધારો થઈ શકે છે, જેના કારણે ગરમીનો પ્રકોપ યથાવત્ રહેવાની શક્યતા છે.