Mumbai Indians Replacement IPL 2026 Krish Bhagat: મુંબઈ ઈન્ડિયન્સ આઈપીએલ 2026માં તેમની આગામી મેચ 16 એપ્રિલે પંજાબ કિંગ્સ સામે રમશે. આ મેચ પહેલા મુંબઈની ટીમને મોટો ઝટકો લાગ્યો છે. ટીમના યુવા સ્પિન ઓલરાઉન્ડર અથર્વ અંકોલેકર ઈજાને કારણે ચાલુ IPL સીઝનમાંથી બહાર થઈ ગયો છે અને તેના સ્થાને 21 વર્ષીય પંજાબના ઓલરાઉન્ડર કૃષ ભગતનો ટીમમાં સમાવેશ કરવામાં આવ્યો છે. તેને 30 લાખ રૂપિયાના બેઝ પ્રાઈસ પર મુંબઈ ઈન્ડિયન્સ ટીમમાં સામેલ કરવામાં આવ્યો છે.

અથર્વ અંકોલેકરને લઇને IPL તરફથી જારી કરી પ્રેસ રિલીઝ

IPL દ્વારા જારી કરાયેલી એક પ્રેસ રિલીઝમાં જણાવાયું છે કે મુંબઈ ઇન્ડિયન્સે અથર્વ અંકોલેકરના સ્થાને ક્રિશ ભગતને સાઇન કર્યો છે, જે ઈજાને કારણે IPL 2026માંથી બહાર થઈ ગયો છે. 21 વર્ષીય ભગતે પંજાબ માટે 7 ફર્સ્ટ-ક્લાસ મેચ અને 9 લિસ્ટ A મેચ રમી છે. તે જમણા હાથનો મધ્યમ-ઝડપી બોલર છે. તેણે લિસ્ટ A ક્રિકેટમાં અડધી સદી ફટકારી છે. તે બેટ અને બોલ બંને રમી શકે છે.

અથર્વ અંડર-19 વર્લ્ડ કપમાં ટીમ ઈન્ડિયાનો ભાગ હતો

ક્રિશ ભગતની વાત કરીએ તો, તે ટીમમાં સંતુલન લાવે છે. તે બોલિંગ અને બેટિંગ બંને સારી રીતે કરી શકે છે. તે છેલ્લા બે વર્ષથી મુંબઈ ઈન્ડિયન્સ ટ્રાયલનો ભાગ છે. તે 2026 ડીવાય પાટિલ ટી20 કપમાં રિલાયન્સ ટીમ માટે રમ્યો હતો અને સીઝનની શરૂઆતથી જ ટીમ સાથે સપોર્ટ બોલર રહ્યો છે. અંકોલેકર 2020 માં ભારતની અંડર-19 વર્લ્ડ કપ ટીમનો ભાગ હતો. અથર્વને બાંગ્લાદેશ સામે અંડર-19 એશિયા કપ ફાઇનલમાં પ્લેયર ઓફ ધ મેચનો એવોર્ડ મળ્યો હતો.

મુંબઈ ઈન્ડિયન્સ સતત ત્રણ મેચ હારી ગયું છે

IPL 2026માં મુંબઈ ઈન્ડિયન્સના પ્રદર્શનની વાત કરીએ તો, તેઓએ કોલકાતા નાઈટ રાઈડર્સ (KKR) સામે જીત સાથે સીઝનની શરૂઆત કરી. આ પછી, મુંબઈને દિલ્હી કેપિટલ્સ, રાજસ્થાન રોયલ્સ અને રોયલ ચેલેન્જર્સ બેંગ્લોર સામે ત્રણ મેચમાં સતત હારનો સામનો કરવો પડ્યો. મુંબઈ ઈન્ડિયન્સ પોઈન્ટ ટેબલમાં નવમા સ્થાને છે. પંજાબ સામેની મેચમાં તેઓ કેવું પ્રદર્શન કરે છે તે જોવું રસપ્રદ રહેશે.