નવી દિલ્હી ટોલીવૂડ સ્ટાર રામ ચરણ અને તેમની પત્ની ઉપાસના કામિનેની કોનિડેલાએ દીકરી ક્લિનકારાના ત્રીજા જન્મદિવસ નિમિત્તે પહેલીવાર તેની સંપૂર્ણ તસવીર સોશિયલ મીડિયા પર શેર કરી છે. માતા-પિતા બન્યા બાદ આ પ્રથમ પ્રસંગ છે જ્યારે દંપતીએ પોતાની દીકરીનો ચહેરો ચાહકોને બતાવ્યો છે.

શનિવારે શેર કરાયેલી તસવીરમાં રામ ચરણ અને ઉપાસના પોતાની નાની રાજકુમારીને પ્રેમથી હાથમાં લઈ પોઝ આપતા જોવા મળે છે. આ તસવીર સોશિયલ મીડિયા પર ઝડપથી વાયરલ થઈ રહી છે.

દીકરીને જન્મદિવસની શુભેચ્છા પાઠવતા દંપતીએ સંયુક્ત પોસ્ટમાં લખ્યું, “હેપ્પી બર્થડે ક્લિનકારા, અમારી પ્રિય નાનકડી દીકરી.” સાથે તેમણે હાર્ટ ઇમોજી પણ શેર કર્યા હતા.

રામ ચરણ અને ઉપાસનાના લગ્ન વર્ષ 2012માં થયા હતા. જૂન 2023માં ક્લિનકારાનો જન્મ થયો હતો. ત્યારબાદ ગયા વર્ષે દિવાળી દરમિયાન ઉપાસનાએ પોતાની બીજી ગર્ભાવસ્થાની જાહેરાત કરી હતી. આ વર્ષે ફેબ્રુઆરીમાં દંપતિને જોડિયા સંતાનો – એક પુત્ર અને એક પુત્રીનો આશીર્વાદ મળ્યો હતો.

તાજેતરમાં જ દંપતીએ પોતાના લગ્નની 14મી વર્ષગાંઠ નિમિત્તે ત્રણેય બાળકોના નાનકડા હાથ દર્શાવતી તસવીર શેર કરી હતી, જેને ચાહકો તરફથી ભારે પ્રેમ મળ્યો હતો. હવે ક્લિનકારાનો ચહેરો જાહેર થતાં ચાહકોમાં પણ ખુશીનો માહોલ જોવા મળી રહ્યો છે.