PM Modi Record Tenure: નરેન્દ્ર મોદી ભારતના એવા વડાપ્રધાન બન્યા છે, જેમણે સતત સૌથી લાંબો કાર્યકાળ પૂર્ણ કર્યો છે. આ ખાસ પ્રસંગે પીએમ મોદીએ કહ્યું કે જાહેર સેવા એ સુશાસનની સૌથી મોટી કસોટી છે. વડાપ્રધાન નરેન્દ્ર મોદીએ બુધવારે સોશિયલ મીડિયા પ્લેટફોર્મ 'X' પર એક પોસ્ટ પોસ્ટ કરી હતી. તેમણે કહ્યુ કે, ‘જાહેર સેવા એ સુશાસનની સૌથી મોટી કસોટી છે. જે વ્યક્તિ નમ્રતા, સમર્પણ અને નિષ્ઠા સાથે સતત કામ કરે છે તે જ જાહેર વિશ્વાસ મેળવે છે.’

પીએમ મોદીએ શું કહ્યું?
આ સાથે પીએમ મોદીએ એક 'સંસ્કૃતિ સુભાષિતમ્' પણ શેર કર્યું છે, જેમાં લખ્યું છે, ‘સદાનુરક્તપ્રકૃતિઃ પ્રજાપાલનત્પર. વિનીતાત્મા હિ નૃપતિભૂયસી શ્રીયમશ્નુતે.’ આ સંસ્કૃત સુભાષિતનો અર્થ છે, જે જનપ્રતિનિધિ સેવાને પોતાનો ધર્મ માને છે અને સતત જનહિતમાં કાર્ય કરે છે, સુશાસન દ્વારા જનતાની સલામતી અને કલ્યાણ સુનિશ્ચિત કરે છે. તે નમ્રતા અને સંયમ સાથે વિકાસનું લક્ષ્ય રાખીને સમાજની પ્રગતિ માટે સમર્પિત રહે છે. હકીકતમાં, તે જ જનવિશ્વાસ, ખ્યાતિ અને સમૃદ્ધિ પ્રાપ્ત કરે છે.

ભૂતપૂર્વ વડાપ્રધાન નહેરુના રેકોર્ડને તોડીને નરેન્દ્ર મોદીનો વડાપ્રધાન તરીકેનો આ સતત ત્રીજો કાર્યકાળ છે. આ સાથે તેમણે 4399 દિવસ સુધી સેવા આપીને સૌથી લાંબા સમય સુધી વડાપ્રધાન તરીકે કાર્યકાળનો રેકોર્ડ બનાવ્યો છે. અગાઉ, આ સિદ્ધિ ભૂતપૂર્વ વડાપ્રધાન જવાહરલાલ નહેરુના નામે હતી. 1952થી શરૂ થયેલા નહેરુના કાર્યકાળને બેન્ચમાર્ક માનવામાં આવે છે. કારણ કે, તેમણે દેશની પ્રથમ સામાન્ય ચૂંટણીઓ પહેલાં 1947થી 1952 સુધી વચગાળાની સરકારનું નેતૃત્વ કર્યું હતું.

ભૂતપૂર્વ વડાપ્રધાન ઇન્દિરા ગાંધી 14 વર્ષથી વધુ સમય સુધી પદ સંભાળ્યા હોવા છતાં, તેમનો કાર્યકાળ સતત નહોતો. તેનાથી પીએમ મોદી ભારતના ઇતિહાસમાં સૌથી લાંબા સમય સુધી સેવા આપનારા ચૂંટાયેલા વડાપ્રધાન બન્યા છે. તેમણે 2014માં તેમના પ્રથમ શપથ ગ્રહણથી 2019માં સતત બીજા કાર્યકાળ અને 2024માં ઐતિહાસિક ત્રીજા કાર્યકાળ સુધી વડાપ્રધાન તરીકે સેવા આપી હતી. હાલમાં દેશના સૌથી લાંબા સમય સુધી સેવા આપનારા ચૂંટાયેલા વડાપ્રધાન બનવા બદલ પીએમ મોદીને દેશ અને વિદેશમાંથી અભિનંદન અને શુભકામનાઓ મળી રહી છે.