Petrol Diesel Price Today: દેશભરમાં આજે એટલે કે 30 ઓગસ્ટ, 2026ના રોજ પેટ્રોલ અને ડીઝલના ભાવ મોટાભાગે સ્થિર રહ્યા છે. આંતરરાષ્ટ્રીય ક્રૂડ ઓઇલના ભાવમાં ઉતાર-ચઢાવ અને વૈશ્વિક ભૌગોલિક પરિસ્થિતિ વચ્ચે પણ ભારતીય ઓઇલ માર્કેટિંગ કંપનીઓએ આજે મોટા શહેરોમાં ઇંધણના ભાવમાં કોઈ મોટો ફેરફાર કર્યો નથી.

દિલ્હીથી મુંબઈ સુધી પેટ્રોલના ભાવ

આજે દિલ્હીમાં પેટ્રોલ ₹102.12 પ્રતિ લિટર અને ડીઝલ ₹95.56 પ્રતિ લિટર છે. મુંબઈમાં પેટ્રોલ ₹112.48 અને ડીઝલ ₹99.13 પ્રતિ લિટરના ભાવે મળી રહ્યું છે.

મોટા શહેરોમાં આજના પેટ્રોલ-ડીઝલના ભાવ

શહેર | પેટ્રોલ | ડીઝલ |

દિલ્હી | ₹102.12 | ₹95.56 |

મુંબઈ | ₹112.48 | ₹99.13 |

કોલકાતા | ₹113.51 | ₹99.82 |

ચેન્નાઈ | ₹107.87 | ₹99.65 |

બેંગલુરુ | ₹112.02 | ₹100.00 |

હૈદરાબાદ | ₹117.07 | ₹105.24 |

ભાવમાં ફેરફાર કેમ થાય છે?

પેટ્રોલ અને ડીઝલના ભાવ નક્કી કરવામાં આંતરરાષ્ટ્રીય ક્રૂડ ઓઇલની કિંમત મહત્વની ભૂમિકા ભજવે છે. ભારત પોતાની ક્રૂડ ઓઇલની જરૂરિયાતનો મોટો હિસ્સો આયાત કરે છે. તેથી વૈશ્વિક બજારમાં ક્રૂડ મોંઘું થાય તો તેની અસર ભારતીય ઇંધણ બજાર પર પણ પડી શકે છે.

ડોલર સામે રૂપિયાની અસર

ક્રૂડ ઓઇલની ખરીદી મુખ્યત્વે અમેરિકન ડોલરમાં થાય છે. આવી સ્થિતિમાં રૂપિયો ડોલર સામે નબળો પડે, તો ક્રૂડની આયાતનો ખર્ચ વધી શકે છે. આ પરિબળ પણ પેટ્રોલ-ડીઝલના ભાવને અસર કરી શકે છે.

દરેક શહેરમાં ભાવ અલગ કેમ?

પેટ્રોલ અને ડીઝલના અંતિમ ભાવમાં કેન્દ્ર તથા રાજ્ય સરકારોના ટેક્સ, ટ્રાન્સપોર્ટેશન ખર્ચ અને સ્થાનિક બજારની સ્થિતિનો સમાવેશ થાય છે. આ કારણે અલગ-અલગ રાજ્યો અને શહેરોમાં ઇંધણના ભાવમાં તફાવત જોવા મળે છે.

છેલ્લે ક્યારે મોટો ફેરફાર થયો હતો?

રિપોર્ટ મુજબ, 25 મે બાદ પેટ્રોલ-ડીઝલના ભાવમાં મોટો ફેરફાર જોવા મળ્યો નથી. તે સમયે સરકારી ઓઇલ માર્કેટિંગ કંપનીઓએ પેટ્રોલમાં ₹2.61 અને ડીઝલમાં ₹2.71 પ્રતિ લિટરનો વધારો કર્યો હતો.

આ પણ વાંચો : IAS Divya Mittal: 13 વર્ષની સેવા બાદ IAS અધિકારી દિવ્યા મિત્તલે આપ્યું રાજીનામું, સોશિયલ મીડિયા પર ભાવુક પોસ્ટથી ચર્ચા તેજ