Assam Budget 2026: આસામમાં ઇન્ફ્રાસ્ટ્રક્ચર અને કનેક્ટિવિટી મજબૂત કરવા માટે રાજ્ય સરકારે મોટો પ્લાન જાહેર કર્યો છે. મુખ્યમંત્રી હિમંત બિસ્વા સરમાએ ‘આસામ બજેટ 2026’ હેઠળ રાજ્યભરમાં ₹55,000 કરોડથી વધુના ખર્ચે હાઈવે, પુલ અને ટનલ સહિતના મોટા પ્રોજેક્ટ્સ પર ભાર મૂકવાની જાહેરાત કરી છે.

₹55,000 કરોડથી વધુના પ્રોજેક્ટ્સ

રાજ્ય સરકારનું ધ્યાન મોટા પાયે કનેક્ટિવિટી પ્રોજેક્ટ્સ પર છે. હાઈવે, પુલ અને ટનલના નિર્માણ તથા વિકાસથી રાજ્યના વિવિધ વિસ્તારોને વધુ સારી રીતે જોડવાનો પ્રયાસ કરવામાં આવશે.

‘દૂરી ઘટાડવા’ પર સરકારનો ફોકસ

મુખ્યમંત્રી સરમાએ સોશિયલ મીડિયા પર જણાવ્યું કે આસામના વિકાસના આગામી તબક્કામાં ટ્રાન્સપોર્ટ અને કનેક્ટિવિટી ઈન્ફ્રાસ્ટ્રક્ચરમાં મોટા રોકાણની મહત્વપૂર્ણ ભૂમિકા રહેશે. આ પ્રોજેક્ટ્સનો મુખ્ય ઉદ્દેશ મુસાફરીની દૂરી ઘટાડવાની સાથે આર્થિક ગતિ વધારવાનો છે.

ઉત્તર-પૂર્વ સાથે કનેક્ટિવિટી થશે વધુ મજબૂત

આસામને ઉત્તર-પૂર્વ ભારતના પ્રવેશદ્વાર તરીકે મહત્વપૂર્ણ માનવામાં આવે છે. રાજ્યમાં રસ્તાઓ અને પુલોના વિકાસથી આસામના અન્ય રાજ્યો સાથેના લોજિસ્ટિક્સ અને પરિવહન સંપર્કને વધુ મજબૂતી મળી શકે છે.

વેપાર અને રોકાણને મળશે વેગ

સારી કનેક્ટિવિટીથી લોકો અને માલસામાનની અવરજવર સરળ બનવાની અપેક્ષા છે. તેનો સીધો લાભ વેપાર, ઉદ્યોગ, રોકાણ, પ્રવાસન અને રોજગારની તકોને મળી શકે છે. બજારો તથા જરૂરી સેવાઓ સુધી પહોંચ પણ સરળ બની શકે છે.

‘વિકસિત આસામ’નું વિઝન

સરકારના જણાવ્યા મુજબ, આ પ્રોજેક્ટ્સનો હેતુ માત્ર રોડ નેટવર્ક વિકસાવવાનો નથી, પરંતુ શહેરી કેન્દ્રો, ગ્રામ્ય વિસ્તારો અને ઉભરતા આર્થિક વિસ્તારો વચ્ચેનું જોડાણ મજબૂત કરવાનો પણ છે. ₹55,000 કરોડથી વધુના આ ઇન્ફ્રાસ્ટ્રક્ચર રોકાણને ‘વિકસિત આસામ’ના વિઝન તરફનું મહત્વપૂર્ણ પગલું માનવામાં આવી રહ્યું છે.

આ પણ વાંચો : Forex Reserves: ભારતના ફોરેક્સ રિઝર્વે રચ્યો નવો રેકોર્ડ, $729.33 અબજ પર પહોંચ્યો વિદેશી મુદ્રા ભંડાર