PM Kisan 24th Installment: PM કિસાન યોજનાનો 24મો હપ્તો ટુંક સમયમાં ખેડૂતોના ખાતામાં થશે જમા, ફટાફટ પૂર્ણ કરી લો આ કામ

PM Kisan 24th Installment: કેન્દ્ર સરકારની પ્રધાનમંત્રી કિસાન સન્માન નિધિ યોજના હેઠળ 24મો હપ્તો 30 ઓક્ટોબરે જાહેર કરવામાં આવશે. આ હપ્તા અંતર્ગત પાત્ર ખેડૂતોના બેન્ક ખાતામાં સીધા રૂપિયા 2,000 જમા કરવામાં આવશે. કૃષિ મંત્રાલયે 23 ઓક્ટોબરે ચુકવણીની તારીખ જાહેર કરી હતી. હપ્તાની રાહ જોઈ રહેલા ખેડૂતોએ સમયસર પોતાની વિગતો તપાસી લેવી જરૂરી છે.

દરેક નોંધાયેલા ખેડૂતને હપ્તો મળશે જ એવું નથી. જો ખેડૂતનું e-KYC અધૂરું હોય, આધાર સાથે બેન્ક ખાતું લિંક ન હોય અથવા જમીનના રેકોર્ડનું વેરિફિકેશન બાકી હોય, તો ચુકવણી અટકી શકે છે. આ ઉપરાંત વ્યક્તિગત વિગતોમાં ભૂલ હોવાને કારણે પણ હપ્તો મળવામાં વિલંબ થઈ શકે છે.

PM કિસાનનો સ્ટેટસ કેવી રીતે તપાસવો?

ખેડૂતોએ PM કિસાનની સત્તાવાર વેબસાઈટ pmkisan.gov.in પર જવું. ત્યારબાદ ‘Know Your Status’ વિકલ્પ પસંદ કરીને પોતાનો રજિસ્ટ્રેશન નંબર દાખલ કરવો. સ્ક્રીન પર દેખાતો કેપ્ચા કોડ ભરીને ‘Get OTP’ પર ક્લિક કરવું. નોંધાયેલા મોબાઈલ નંબર પર આવેલ OTP દાખલ કર્યા પછી લાભાર્થીનો સ્ટેટસ જોઈ શકાશે. ત્યાં e-KYC પૂર્ણ થયું છે કે નહીં અને અન્ય કોઈ ચકાસણી બાકી છે કે નહીં તે તપાસવું.

e-KYC કેવી રીતે પૂર્ણ કરવું?

e-KYC માટે ખેડૂતો OTP, ફિંગરપ્રિન્ટ અથવા ફેસ ઓથેન્ટિકેશનનો વિકલ્પ પસંદ કરી શકે છે. OTP દ્વારા પ્રક્રિયા પૂર્ણ કરવા આધાર સાથે જોડાયેલો સક્રિય મોબાઈલ નંબર જરૂરી છે. ખેડૂતો PM કિસાનની વેબસાઇટ અથવા મોબાઇલ એપનો ઉપયોગ કરી શકે છે. ફિંગરપ્રિન્ટ વેરિફિકેશન માટે નજીકના કોમન સર્વિસ સેન્ટર (CSC)ની મદદ લઈ શકાય છે. ફેસ ઓથેન્ટિકેશન માટે PM-KISAN અને Aadhaar Face RD એપનો ઉપયોગ કરી શકાય છે. ખેડૂતોએ 30 ઓક્ટોબર પહેલા બાકી રહેલી ચકાસણી પૂર્ણ કરી લેવી, આધાર સાથે બેન્ક ખાતાની લિંકિંગ તપાસવી અને જમીનના રેકોર્ડ સહિતની વિગતો સાચી હોવાની ખાતરી કરવી. સમયસર સુધારા કરવાથી હપ્તાની ચુકવણીમાં થતી સંભવિત મુશ્કેલીઓ ટાળી શકાય છે.

આ પણ વાંચો: CNG Price Hike: બનાસકાંઠામાં CNGના ભાવમાં ફરી વધારો, પ્રતિ કિલો રૂપિયા 4નો વધારો ઝીંકાયો