Surat News: વેસુમાં કારની અડફેટે અઢી વર્ષના આર્યનનું મોત, મહિલા કારચાલકની અટકાયત

Surat News: સુરતના વેસુ વિસ્તારમાં એક હૃદયદ્રાવક અકસ્માતમાં અઢી વર્ષના માસૂમ બાળક આર્યનનું મોત થયું છે. મહિલા કારચાલકની કારની અડફેટે બાળક આવી જતાં આ દુઃખદ ઘટના બની હતી. રમતા બાળક પર કાર ચડી ગઈ હોવાનો આક્ષેપ કરવામાં આવ્યો છે. કારનું ટાયર બાળક પરથી ફરી વળતાં તેને ગંભીર ઈજાઓ પહોંચી હતી. હોસ્પિટલમાં લઈ જવાયેલા આર્યનને તબીબોએ મૃત જાહેર કર્યો હતો.

રમતા બાળક પર કાર ચડી જવાનો આક્ષેપ

મળતી માહિતી અનુસાર, વેસુ વિસ્તારમાં શ્રમિક પરિવારના અઢી વર્ષના બાળક આર્યન સાથે આ અકસ્માત સર્જાયો હતો. બાળક રમતું હતું ત્યારે મહિલા કારચાલકની કાર તેની અડફેટે આવી હોવાનો આક્ષેપ છે. અકસ્માતમાં ગંભીર રીતે ઘવાયેલા બાળકને સારવાર માટે હોસ્પિટલ ખસેડવામાં આવ્યો હતો, જ્યાં તબીબોએ તેને મૃત જાહેર કર્યો હતો.

મહિલા કારચાલકે ભાગવાનો પ્રયાસ કર્યાનો આક્ષેપ

અકસ્મા બાદ મહિલા કારચાલકે સ્થળ પરથી ભાગવાનો પ્રયાસ કર્યો હોવાનો પણ આક્ષેપ કરવામાં આવ્યો છે. જોકે, સ્થાનિક લોકોએ મહિલાને પકડી પાડી હતી. આ ઘટનાને પગલે વિસ્તારમાં ચકચાર મચી ગઈ હતી.

વેસુ પોલીસે ગુનો નોંધી તપાસ હાથ ધરી

સમગ્ર મામલે વેસુ પોલીસે ગુનો નોંધી મહિલા કારચાલકની અટકાયત કરી છે. પોલીસ દ્વારા અકસ્માતની પરિસ્થિતિ અને સમગ્ર ઘટનાક્રમ અંગે વધુ તપાસ હાથ ધરવામાં આવી છે.

પરિવારજનોએ ન્યાયની માગ કરી

માસૂમ આર્યનના મોતથી શ્રમિક પરિવાર પર દુઃખનો પહાડ તૂટી પડ્યો છે. પરિવારજનોમાં શોકનો માહોલ છે અને તેમણે આ મામલે ન્યાયની માગ કરી છે. હવે પોલીસ તપાસમાં અકસ્માત કેવી રીતે સર્જાયો અને જવાબદારી કોની છે તે અંગે વધુ વિગતો સામે આવશે.

આ પણ વાંચો : Winter Health: શિયાળામાં સ્વાસ્થ્યનું રાખો ખાસ ધ્યાન, ડાયટમાં સામેલ કરો આ પૌષ્ટિક વસ્તુઓ