Toxic Box Office : ઓપનિંગ બાદ ‘Toxic’ની કમાણી ધડામ! 1000 કરોડનું સપનું થશે પૂરું?
Toxic Box Office
Toxic Box Office : ઓપનિંગ બાદ ‘Toxic’ની કમાણી ધડામ! 1000 કરોડનું સપનું થશે પૂરું?
Toxic Box Office
Toxic Box Office : ફિલ્મે ઓપનિંગ ડે પર લગભગ 150 કરોડ રૂપિયાની કમાણી કરીને ધમાકેદાર શરૂઆત કરી હતી. જોકે, બીજા જ દિવસે ફિલ્મના કલેક્શનમાં નોંધપાત્ર ઘટાડો જોવા મળ્યો છે, જેના કારણે હવે ફિલ્મના મેકર્સ માટે ચિંતા વધી શકે છે.
રિપોર્ટ્સ અનુસાર, બીજા દિવસે ‘Toxic’એ ભારતમાં નેટ કલેક્શનના મામલે આશરે 36.40 કરોડ રૂપિયાની કમાણી કરી છે. પ્રથમ દિવસની સરખામણીમાં આ આંકડો ઘણો ઓછો છે. શરૂઆતના દિવસે યશના સ્ટારડમને કારણે મોટી સંખ્યામાં દર્શકો થિયેટરો સુધી પહોંચ્યા હતા, પરંતુ બીજા દિવસે ફિલ્મને એવો જ પ્રતિસાદ મળ્યો નથી.
બીજા દિવસે બોક્સ ઓફિસ પર મોટો ઘટાડો
ફિલ્મના ઓવરસીઝ કલેક્શનમાં પણ ઘટાડો જોવા મળ્યો હોવાનું સામે આવ્યું છે. બે દિવસમાં ‘Toxic’નું ભારતનું નેટ કલેક્શન આશરે 137.50 કરોડ રૂપિયા થયું છે, જ્યારે ફિલ્મનું ગ્રોસ કલેક્શન લગભગ 164.50 કરોડ રૂપિયા હોવાનું જણાવવામાં આવ્યું છે.
બીજી તરફ, બે દિવસમાં ફિલ્મે ઓવરસીઝ માર્કેટમાંથી આશરે 26.25 કરોડ રૂપિયાનું કલેક્શન કર્યું છે. આ આંકડાને ભારતના ગ્રોસ કલેક્શન સાથે જોડવામાં આવે તો ‘Toxic’નું બે દિવસનું વર્લ્ડવાઇડ ગ્રોસ કલેક્શન લગભગ 190.75 કરોડ રૂપિયા થાય છે. ફિલ્મનું બજેટ આશરે 500 કરોડ રૂપિયા હોવાનું કહેવાય છે. શરૂઆતના આંકડા જોતા ફિલ્મ માટે બજેટ પાર કરવું અશક્ય નથી, પરંતુ 1000 કરોડ રૂપિયાના આંકડા સુધી પહોંચવા માટે આગામી દિવસોમાં કલેક્શનમાં સતત મજબૂતી જરૂરી રહેશે.
‘Toxic’ની બીજા દિવસની કમાણીથી વધ્યું ટેન્શન
સામાન્ય રીતે 1000 કરોડની ક્લબમાં પહોંચનારી ફિલ્મો શરૂઆતના કેટલાક દિવસોમાં ખૂબ જ મજબૂત કમાણી કરતી જોવા મળે છે. આવી સ્થિતિમાં ‘Toxic’ના બીજા દિવસના કલેક્શનમાં થયેલો મોટો ઘટાડો ફિલ્મની લાંબી બોક્સ ઓફિસ રન અંગે સવાલ ઉભા કરે છે. હવે ફિલ્મ માટે શનિવાર અને રવિવારના દિવસો ખૂબ જ મહત્વપૂર્ણ બની ગયા છે. જો વીકએન્ડ દરમિયાન દર્શકોનો પ્રતિસાદ ફરીથી મજબૂત બને છે તો ફિલ્મની કમાણીમાં ઉછાળો આવી શકે છે.
પરંતુ જો બીજા દિવસ જેવી જ ગતિ ચાલુ રહેશે તો 1000 કરોડના લક્ષ્ય સુધી પહોંચવાનો રસ્તો મુશ્કેલ બની શકે છે. યશના ફેન્સને હવે આશા છે કે ફિલ્મ આગામી દિવસોમાં ફરી ઝડપ પકડશે. ‘Toxic’નું અંતિમ બોક્સ ઓફિસ પરિણામ વીકએન્ડના કલેક્શન અને દર્શકોના વર્ડ ઓફ માઉથ પર ઘણું નિર્ભર રહેશે. હવે જોવાનું એ રહેશે કે ફિલ્મ 1000 કરોડની રેસમાં કેટલું આગળ વધી શકે છે.
Vivek Shah
વિવેક શાહ મિડીયા ક્ષેત્રે બહોળો અનુભવ ધરાવે છે, TV9 Gujaratiમાં તેમણે રીપોર્ટર અને પ્રોડયુસર તરીકે પણ 7 વર્ષ કરતા વધુ સમય કામ કર્યુ છે, સાથે સાથે ABP Asmitaમાં 2 વર્ષ જેટલો સમય Associate Producer તરીકે કામ કર્યુ છે અને Sandesh NEWS Digitalમાં છેલ્લા 2 વર્ષ Senior Sub Editor તરીકે કામ કર્યુ છે. ગુજરાત ફર્સ્ટમાં Assistant Ediotor તરીકે તેમણે 3 મહિના કામ કર્યુ અને હાલમાં તેઓ Growthnow NEWS માં Senior Assignment Editor તરીકે ડિજિટલ વિભાગમાં કામ કરી રહ્યાં છે.