Karex Condom Prices Hike Hormuz Crisis: અમેરિકા અને ઈરાન વચ્ચે ચાલી રહેલા યુદ્ધના પડઘા હવે બેડરૂમ સુધી પહોંચ્યા છે. વિશ્વની સૌથી મોટી કૉન્ડોમ ઉત્પાદક કંપની 'કારેક્સ' (Karex) એ જાહેરાત કરી છે કે તેઓ કૉન્ડોમની કિંમતોમાં 30% કે તેથી વધુનો વધારો કરવા જઈ રહ્યા છે.  કારેક્સ કંપનીનું કહેવું છે કે, યુદ્ધને કારણે કાચા માલનો પુરવઠો ખોરવાઈ ગયો છે, જેના કારણે કોન્ડોમના ઉત્પાદનનો ખર્ચ વધી ગયો છે. તેમની પાસે કિંમતો વધારવા સિવાય કોઈ વિકલ્પ નથી.

મલેશિયા સ્થિત કંપની કારેક્સના સીઈઓ ગોહ મિયાહ કિયાતે જણાવ્યું હતું કે, હોર્મુઝમાં લશ્કરી નાકાબંધી અને તણાવને કારણે કાચા માલના પુરવઠા પર ગંભીર અસર પડી છે, જેના કારણે કોન્ડોમ બનાવવા માટે જરૂરી એમોનિયા અને સિલિકોન-આધારિત લુબ્રિકન્ટ જેવા પેટ્રોકેમિકલ ઉત્પાદનોની તીવ્ર અછત સર્જાઈ છે, કારણ કે વિશ્વના ક્રૂડ ઓઇલ અને LNGનો લગભગ પાંચમો ભાગ હોર્મુઝ સ્ટ્રેટમાંથી પસાર થાય છે.

કોન્ડોમની માંગમાં રેકોર્ડ વધારો

કંપનીના જણાવ્યા અનુસાર, અનિશ્ચિતતાના આ વૈશ્વિક વાતાવરણમાં, કોન્ડોમની માંગમાં 30% સુધીનો વધારો થયો છે. કારેક્સના સીઈઓ કહે છે કે જ્યારે યુદ્ધ જેવી પરિસ્થિતિ હોય છે અને નોકરીઓ જોખમમાં હોય છે, ત્યારે લોકો ચિંતિત થઈ જાય છે અને પરિવાર નિયોજન પર વધુ ધ્યાન આપે છે. આવા સમયે, કાચા માલના પુરવઠામાં વિક્ષેપને કારણે કંપનીનો પડકાર બમણો થઈ ગયો છે. કારેક્સ દર વર્ષે 5 અબજથી વધુ કોન્ડોમનું ઉત્પાદન કરે છે, જે ડ્યુરેક્સ અને ટ્રોજન જેવી બ્રાન્ડ્સ તેમજ યુકેની રાષ્ટ્રીય આરોગ્ય સેવા (NHS) ને સપ્લાય કરે છે. કિંમતોમાં આ વધારાની સીધી અસર વિશ્વભરના ગ્રાહકોના ખિસ્સા પર પડશે.ે

અમેરિકા અને ઈરાન વચ્ચેના વધતા તણાવની અસર હવે સામાન્ય માનવીના અંગત જીવન અને ખિસ્સા પર પણ પડવા લાગી છે. રિપોર્ટમાં એમ પણ કહેવામાં આવ્યું છે કે ગલ્ફ દેશોમાં શિપમેન્ટ બંધ થવાને કારણે, માત્ર કોન્ડોમ જ નહીં પરંતુ અન્ય ઉત્પાદનો પણ મોંઘા થઈ રહ્યા છે. ગયા વર્ષની સરખામણીમાં ઇકોનોમી ક્લાસની ટિકિટમાં સરેરાશ 24%નો વધારો થયો છે. પરિવહન ખર્ચમાં વધારાને કારણે ખાંડ, ડેરી ઉત્પાદનો અને ફળોના ભાવમાં વધારો થવાની ચેતવણી આપવામાં આવી છે. આ ઉપરાંત, ચિપ ઉદ્યોગ પણ મુશ્કેલીમાં છે, હિલીયમની અછતને કારણે કમ્પ્યુટર ચિપ્સના ઉત્પાદન પર અસર પડી રહી છે.