Bhabhi Ji Ghar Par Hai: ‘ભાભી જી ઘર પર હૈ’ એક લોકપ્રિય ટેલિવિઝન શો છે. આ પ્રખ્યાત સિટકોમ શોના ચાહકો ખૂબ જ છે. પરંતુ આ શોના દર્શકો માટે માઠા સમાચાર સામે આવ્યા છે. એવું ચર્ચાઈ રહ્યું છે કે, 11 વર્ષ પછી ‘ભાભી જી ઘર પર હૈ’ સિરિયલનો અંત આવશે.

‘ભાભી જી ઘર પર હૈ 2.0’નું થોડા મહિના પહેલાં પ્રીમિયર થયું હતું. શિલ્પા શિંદે શુભાંગી અત્રેની જગ્યાએ અંગૂરી ભાભી તરીકે પરત ફરી હતી. સૂત્રોના હવાલાથી, ટાઇમ્સ ઓફ ઇન્ડિયાએ અહેવાલ આપ્યો હતો કે, ‘ભાભી જી ઘર પર હૈ 2.0’ બંધ થવાની શક્યતા છે. નિર્માતાઓએ આ નિર્ણય જાતે લીધો નથી. એવું કહેવામાં આવ્યું હતું કે, ચેનલ &ટીવીમાં મોટા ફેરફારો થઈ રહ્યા છે, જેના કારણે આ શો બંધ કરવામાં આવી રહ્યો છે.

છેલ્લું શૂટિંગ ક્યારે થશે?
આ સમાચાર દર્શકોને આંચકો આપી શકે છે, પરંતુ કલાકારો અને ક્રૂ 5 એપ્રિલે ‘ભાભી જી ઘર પર હૈ 2.0’ના અંતિમ એપિસોડનું શૂટિંગ કરશે. એવી અપેક્ષા છે કે &TV મે 2026થી પેઇડ રીરન ચેનલ બનશે. નવા મેનેજમેન્ટના કાર્યભાર સંભાળ્યા પછી આ ફેરફાર લાગુ કરવામાં આવશે. નવા મેનેજમેન્ટના આગમન પછી પરિવર્તન માટેની રણનીતિ અપનાવવામાં આવશે. આગામી દિવસોમાં ચેનલ નવા શોને બદલે જૂની સિરિયલો પ્રસારિત કરવા પર ધ્યાન કેન્દ્રિત કરશે.

આ મોટા ફેરફાર બાદ ‘ભાભી જી ઘર પર હૈ 2.0’ પણ બંધ કરવામાં આવશે. શોનો અંતિમ એપિસોડ 16 એપ્રિલ, 2026ના રોજ પ્રસારિત થવાની શક્યતા છે. એવી પણ અટકળો કરવામાં આવી રહી હતી કે ‘ભાભી જી ઘર પર હૈ 2.0’ ZEE5 પર ખસેડવામાં આવશે. જો કે, આવું નથી. OTT પ્લેટફોર્મ પર જવાને બદલે તે બંધ થઈ જશે. ‘ભાભી જી ઘર પર હૈ’ એક જૂનો અને લોકપ્રિય ટેલિવિઝન શો છે અને તેના બંધ થવાથી ચેનલ પર અસર પડશે.

મહત્વનું છે કે, નિર્માતાઓ અથવા કલાકારો દ્વારા હજુ સુધી કોઈ સત્તાવાર નિવેદન આપવામાં આવ્યું નથી. 2015માં શરૂ થયેલો આ શો તેના કાર્યક્રમનો અંત લાવી રહ્યો છે તે દર્શકો માટે એક મોટો ઝટકો છે.