પોસ્ટ ઓફિસ 12 મહિનાની FD: ₹2 લાખ રોકશો તો મળશે ₹14,161 વ્યાજ

પોસ્ટ ઓફિસ TD (ટાઈમ ડિપોઝિટ) યોજના તેમના સુરક્ષિત રોકાણ અને ગેરંટીવાળું વ્યાજ માટે જાણીતી છે. હાલમાં, 12 મહિનાની TD પર સરકારી વ્યાજ દર 6.9% છે, જે સામાન્ય નાગરિકો અને વરિષ્ઠ નાગરિકો માટે સમાન છે.

જોઈએ, જો કોઈ વ્યક્તિ 1 વર્ષ માટે ₹2,00,000 પોસ્ટ ઓફિસ TDમાં જમા કરાવે, તો 6.9% વ્યાજ દર મુજબ વર્ષના અંતે તેને લગભગ ₹14,161 વ્યાજ મળશે. એટલે કે, મુદત પૂરી થતા કુલ રકમ ₹2,14,161 થશે. આ યોજના બેંકની FD જેવી છે, જેમાં નક્કી સમયગાળા માટે રોકાણ કરવાથી રોકાણ પર ગેરંટીવાળું વળતર મળે છે.

પોસ્ટ ઓફિસ TD યોજના 1 વર્ષ, 2 વર્ષ, 3 વર્ષ અને 5 વર્ષ માટે ખોલી શકાય છે. હાલમાં, 2 વર્ષ માટે વ્યાજ દર 7%, 3 વર્ષ માટે 7.1% અને 5 વર્ષ માટે 7.5% છે. આ પ્લાન નાના અને મોટા દરેક રોકાણકાર માટે એક સરસ વિકલ્પ છે, કેમ કે સુરક્ષિત રોકાણ સાથે નક્કી વ્યાજ મળી રહ્યું છે.

TD ખાતાની સૌથી મોટી ખાસિયત એ છે કે તેમાં વ્યાજ દર તમામ વય જૂથ માટે સમાન છે, જ્યારે બેંકોમાં વરિષ્ઠ નાગરિકો માટે વધુ વ્યાજ મળતું હોય છે. પોસ્ટ ઓફિસમાં રોકાણ કરવું સાવ સરળ છે અને સરકારી ખાતા હોવાથી રોકાણ સુરક્ષિત છે.

મુદ્દત પૂરી થતા પછી રોકાણકારને મૂળ રકમ અને વ્યાજ બંનેની કુલ રકમ મળતી હોવાથી આ યોજનાને લઘુ અને મધ્યમ આવક ધરાવતા લોકો માટે શ્રેષ્ઠ ગણવામાં આવે છે.