ફેમસ કોમેડી કવીન ભારતી સિંહ અને લેખક-નિર્માતા હર્ષ લિંબાચિયા હાલમાં તેમના બે પુત્રો સાથે પેરેન્ટિંગનો આનંદ માણી રહ્યા છે. ભારતીએ 19 ડિસેમ્બર 2025 ના રોજ તેના નાના પુત્ર યશવીરને જન્મ આપ્યો, જેનો ચહેરો તેણે હજુ સુધી ચાહકોને બતાવ્યો ન હતો, પણ તેના પ્રિય પુત્રના 3 મહિના પૂરા થવા પર, તેણે ફેન્સને એક મોટું સરપ્રાઇસ આપ્યું હતું. ભારતી અને હર્ષે ત્રણ મહિના પૂરા થવા પર યશવીર ઉર્ફે 'કાજુ'નો સુંદર ચહેરો દુનિયાને બતાવ્યો છે. આ દંપતીએ તેમના યુટ્યુબ વ્લોગ દ્વારા તેમના પુત્ર કાજુનો ચહેરો જાહેર કર્યો, જેના પર ચાહકો ખૂબ પ્રેમ વરસાવી રહ્યા છે.ભારતી અને હર્ષે 19 માર્ચ, 2026 ના રોજ એક યુટ્યુબ વ્લોગમાં તેમના પુત્ર કાજુનો ચહેરો બતાવ્યો હતો. "મીટ અવર કાજુ" કેપ્શન સાથે વિડિયો  આ ખાસ ક્ષણને મીઠી રીતે શેર કરી. વિડિઓમાં, તેઓ તેમના પુત્રને તેમના હાથમાં પકડી રાખતા જોવા મળ્યા, અને યશવીરની સુંદરતાએ બધાના દિલ જીતી લીધા.

કાજુ કોના જેવો દેખાય છે?
વ્લોગમાં ભારતીએ મજાકમાં કહ્યું કે કાજુ હાલમાં તેના જેવો લાગે છે. જ્યારે તે મોટો થશે, ત્યારે તે મોટા ભાઈ લક્ષ્ય (ગોલા) ની અને હર્ષ જેવો દેખાશે. હર્ષે હસીને જવાબ આપ્યો કે દીકરાઓ આખરે તેમના પિતા જેવા જ દેખાય છે.તેમના ફેન્સને તેમની આ મજાક ખૂબ પસંદ આવી હતી.આ વીડિયોને સોશિયલ મીડિયા પર ખૂબ પ્રેમ મળ્યો.ચાહકોએ કોમેન્ટ સેક્શનમાં પોતાનો પ્રેમ વરસાવ્યો. ઘણા લોકોએ કાજુની સુંદરતાની પ્રશંસા કરી

ભારતી અને હર્ષ એક કોમેડી શોના સેટ પર મળ્યા હતા, જ્યાં ભારતી એક કલાકાર હતી અને હર્ષ એક લેખક હતો. થોડા વર્ષો સુધી ડેટિંગ કર્યા પછી, તેઓએ 3 ડિસેમ્બર, 2017 ના રોજ લગ્ન કર્યા. આ દંપતીએ 2022 માં તેમના પહેલા પુત્ર લક્ષ્યમનો જન્મ થયો અને પછી 19 ડિસેમ્બર, 2025 ના રોજ તેમના બીજા પુત્ર, યશવીરનો જન્મ થયો.