મળતી માહિતી મુજબ, કપડવંજ ટાઉન પોલીસે ધીરજ મોહનલાલ પંચાલ નામના શખ્સને ઝડપી પાડ્યો છે, જે ATMમાં મદદના બહાને લોકો પાસેથી કાર્ડ અને પાસવર્ડ જાણી લઈ કાર્ડ બદલીને બેંક ખાતામાંથી પૈસા ઉપાડી લેતો હતો. આરોપી ખાસ કરીને સિનિયર સિટીઝન અને મહિલાઓને નિશાન બનાવતો હતો.

પોલીસ તપાસ દરમિયાન આરોપી પાસેથી કુલ 66 જેટલા ATM કાર્ડ કબજે કરવામાં આવ્યા છે. પ્રાથમિક તપાસમાં જાણવા મળ્યું છે કે તેના વિરુદ્ધ રાજ્યના અલગ અલગ પોલીસ મથકોમાં અગાઉથી 8 જેટલા ઠગાઈના ગુનાઓ નોંધાયેલા છે.

CCTV ફૂટેજ, હ્યુમન ઇન્ટેલિજન્સ અને ટેક્નિકલ સર્વેલન્સની મદદથી પોલીસે આ ઠગને પકડી પાડ્યો છે. હાલ પોલીસ દ્વારા વધુ પૂછપરછ અને તપાસ હાથ ધરવામાં આવી છે.