370 rupees biryani controversy: ગુરુગ્રામમાં થયેલા એક સ્ટેન્ડ-અપ કોમેડી શોમાં ઉભા થયેલા '370 રૂપિયા બિરયાની' વિવાદે હવે મોટું રૂપ ધારણ કર્યું છે. આ મામલામાં કોમેડિયન પરણિત મોરે સતત સોશિયલ મીડિયા પર ટ્રોલિંગનો સામનો કરી રહ્યા છે, જ્યારે નેશનલ કમિશન ફોર વુમેન એ પણ આ કેસમાં હસ્તક્ષેપ કર્યો છે.

વિવાદની શરૂઆત કેવી રીતે થઈ?

આ વિવાદની શરૂઆત ગુરુગ્રામના એક સ્ટેન્ડ-અપ શો દરમિયાન થઈ હતી, જ્યાં એક દર્શક હિમાંશુ જંગરા દ્વારા કેટલીક વિવાદાસ્પદ ટિપ્પણીઓ કરવામાં આવી હતી. આ ટિપ્પણીઓ બાદ પરિસ્થિતિ વધુ ગરમાઈ ગઈ અને સોશિયલ મીડિયા પર વીડિયો ઝડપથી વાયરલ થયો.

શોમાં થયેલી ચર્ચા અને ટિપ્પણીઓ બાદ “370 રૂપિયા બિરયાની” અંગેનો મુદ્દો સોશિયલ મીડિયા પર ભારે ચર્ચાનો વિષય બન્યો, જેના કારણે કોમેડિયન પર અનેક લોકોની નારાજગી જોવા મળી.

NCWની નોંધ અને સમન્સ

આ મામલાને ગંભીરતા સાથે લેતાં National Commission for Women એ હરિયાણા પોલીસ મહાનિદેશકને તપાસ અને કાર્યવાહી માટે સૂચના આપી છે. સાથે જ, પ્રણિત મોરે અને આ વિવાદમાં સંકળાયેલા અન્ય વ્યક્તિને 22 જૂનના રોજ કમિશન સમક્ષ હાજર થવા માટે સમન્સ મોકલવામાં આવ્યા છે.

પ્રણિત મોરેની જાહેર માફી

વિવાદ વધતા Pranit More એ પોતાના ઇન્સ્ટાગ્રામ પર વીડિયો શેર કરીને જાહેર માફી માંગી છે. તેમણે જણાવ્યું કે તેઓ તે સમયે “ક્રાઉડ વર્ક” કરી રહ્યા હતા અને દર્શકની ટિપ્પણીને રોકવામાં તેઓ નિષ્ફળ રહ્યા, જે તેમની મોટી ભૂલ હતી.

તેમણે કહ્યું કે લોકો હસી રહ્યા હતા એટલે તેઓ પણ પ્રવાહમાં વહેતા ગયા, પરંતુ હવે તેમને સમજાઈ ગયું છે કે તે નિર્ણય ખોટો હતો.

 “મારી સૌથી મોટી ભૂલ હતી” – પ્રણિત મોરે

માફીનામામાં તેમણે જણાવ્યું કે તેઓ તે ઘટનામાં યોગ્ય રીતે હસ્તક્ષેપ કરી શક્યા નહીં, જેના કારણે વાત આગળ વધી ગઈ. તેમણે ઉમેર્યું કે આ ઘટના માટે તેઓ જવાબદાર છે અને તેમાંથી શીખ લઈને આગળ વધુ જવાબદાર બનશે.

“370 રૂપિયા બિરયાની” વિવાદ હવે માત્ર કોમેડી શો સુધી સીમિત ન રહીને કાનૂની અને સામાજિક ચર્ચાનો વિષય બની ગયો છે. એક તરફ ટ્રોલિંગ અને વિવાદ ચાલી રહ્યા છે, તો બીજી તરફપ્રણિત મોરે એ જાહેર માફી માંગીને તપાસમાં સંપૂર્ણ સહકાર આપવાની વાત કહી છે. હવે 22 જૂનના NCW સમક્ષના નિવેદન બાદ આ મામલે આગળ શું વળાંક આવે છે તે જોવાનું રહેશે.